ཨེ་ཝྃ་ཧོ།

དུས་ཚོད་བཟང་ངན་གྱི་འབེལ་གཏམ།།ཨེ་ཀྱེ་ཧོ།།བསྐལ་པ་ཡུན་གྱི་ནམ་ཟླ་རིང་མོར།དབྱར་དགུན་སྟོན་དཔྱིད་འགྱུར་བ་ཇི་བཞིན།དུས་ཚོད་ཉིན་ཞག་འགྱུར་བ་ཕྱིན་པས།།དུས་རབས་འདི་ཡང་མྱུར་ཏུ་འགྱུར་སོང་།།དང་པོ་སྤྲུལ་སྐུ་ཡིན་རབས་ཟེར་ནས།།གསེར་ཁྲི་དངུལ་ལོས་བརྫིག་ར་ངོམས་ཏེ།།རྒྱ་བོད་འགྲོ་ལ་མགོ་བསྐོར་བཏངས་ཀྱང་།།ཆོས་མིང་འོག་ནས་འཁྲབ་སྟོན་བྱས་སོང་།།བར་དུ་སྐྱེ་བ་སྔ་ཕྱིར་བརྗེད་ནས།།དགུན་གསུམ་ཁ་བའི་བཟི་ངར་ཇི་བཞིན།།རླུང་ཚུབ་བུ་ཡུག་འུར་འུར་ལྡང་བས།།སྐྱེ་སྤྲུལ་འདེམས་ཁ་འགྱུར་བ་བཏངས་སོང་།།ཐ་མ་བཤད་བཤད་ཀུ་རེ་ཡིན་ཟེར།།ཕྱོགས་ཀུན་སྨག་རུམ་གཏུམ་ཞིང་འཇིགས་རུང་།ཡབ་མེས་སྤུ་རྒྱལ་དར་ཆེན་འགྱེལ་བས།།སྤྲུལ་མིང་རྣམ་ཤེས་རླུང་ལ་སྤུར་སོང་།།སྙིང་རྗེའི་ལྷ་ལ་དམར་མཆོད་དར་ནས།།བཅོ་བརྒྱད་འཁྲི་ཤིང་མེ་ལ་སྒྲོན་ཀྱང་།།ཧ་ཧ་གད་མོའི་གནམ་ས་བསྐང་བས།།ནག་ཕྱོགས་དཔའ་བོའི་རུ་དར་འཕྱར་སོང་།།གནས་ཡུལ་ཉམ་ཆུང་རྩེད་མོ་རྩེས་ནས།།མ་ཉེས་ཚད་མེད་ས་བདག་འཁྲུགས་ཏེ།།ཐན་བྱའི་ཐན་སྐད་རི་ལུང་བཀངས་སོང་།།འཚོ་བའི་གྲུབ་ཆ་ཟམ་པ་ཆད་དེ།།ཕྱི་ནང་བོད་མིའི་ལྟ་སྤྱོད་འགྱུར་ཏེ།།ནམ་མཁའ་དྭངས་པར་སྤྲིན་པ་མེད་ཀྱང་།།འབྲུག་སྒྲ་ཟང་ཟིང་འུར་སྒྲ་སྒྲོག་སོང་།།འུར་གཏུམ་ཀི་སྒྲ་ཕུ་མདར་ཁྱབ་པས།།ཐལ་རླུང་ཐན་སྐད་ཡུལ་བདེ་དཀྲུགས་པ།།སྨག་རུམ་ཉི་འོད་བཅོམ་ཐབས་ཟད་ནས།།མེས་པོའི་གཟི་བརྗིད་འཕྲོག་བརླགས་ཤོར་སོང་།།གངས་རི་བརྗིད་ཉམས་རང་མདངས་ཤོར་ནས།།མ་དགོན་བུ་དགོན་སོ་ཁ་གྱེས་ཏེ།།ཡིད་བཞིན་ནོར་བུའི་རང་གཤིས་མ་ཤེས།།མེ་བསྲེག་གཏོང་བའི་སྲོལ་རྒྱུན་དར་སོང་།།ཕྱི་ནང་དཀར་ནག་མདུད་པ་མ་ཁྲོལ།།ནང་དམེ་དམར་འཛིང་སྒྲུང་རིང་བརྩམས་ཏེ།།འབངས་མི་འཆིང་རྒྱའི་དྲྭ་བར་བཅུགས་ནས།།རྨོངས་དད་རྨོག་ངན་རང་མགོ་གཡོགས་སོང་།།ཁྲེལ་ཡོད་བོད་པའི་ཞིང་ས་གཤིན་པོ།།དགུན་འཁྱག་ངར་མའི་འགྱུར་བ་ཟབ་མོས།།སྲིད་པའི་ཞིང་ས་སད་ལ་ཁྱེར་ནས།།འབྲུ་དྲུག་སྔོན་མོའི་རྩ་བ་རལ་སོང་།།མདུང་སོ་ནང་ལ་བསྐོར་བའི་དུས་ངན་ཤར་སྟེ།།དཔའ་མཛངས་ལྡན་པའི་མི་རིགས་རྣལ་མ་ཤི་བས།།སྟོད་སྨད་དཀར་ནག་རྒྱ་དབྱིན་བྲན་དུ་གྱུར་ཡང་།།དབུ་མའི་སྟུག་དྲིས་རང་གོས་རང་གིས་བརྫེད་སོང་།།དད་གུས་དམ་ཚིག་རྩེད་མོར་སོང་ན།།སྐྱེ་བ་སྔ་ཕྱི་དོན་མེད་འགགས་ཏེ།།ནོར་གླིང་ཕྱིན་པ་ཆུད་ཟོས་ཕྱིན་པ།།ལས་འབྲས་ཟབ་མོར་གྱེས་བརྡ་བསྟན་སོང་།།ཕག་ནག་གཉང་ཞགས་གངས་ལ་གཏོར་བས།།གཡུ་རལ་མཛེས་པ་མི་གཙང་འབགས་ནས།།བཅུ་ཕྲག་རིག་པའི་བང་མཛོད་ཐོར་བ།།རྒྱལ་སྤྱིར་གྲགས་པ་ངན་པས་ཁྱབ་སོང་།།རྐྱེན་ཞིག་གིས་ཤྲཱིཿསྨྱོན་ཨེ་མ་ཧོས།།

༄།།མཆོག་སྤྲུལ་རིག་འཛིན་༧དཔལ་ལྡན་དབང་ཕྱུག་ལ་ཞབས་བརྟན་དུ་སྨོན་པ་འཁོར་འདས་རྒྱལ་བའི་རྒྱལ་རྔ་རིན་པོ་ཆེ།།ན་མོ་གུ་རུ་བུདྡྷ་ཛྙཱ་ན་པདྨ་ཀ་ར་ཡེ།།ཀ་དག་ངོ་བོ་ཀུན་བཟང་ཆོས་སྐུའི་དཔལ།།ལྷུན་གྲུབ་རང་གསལ་བདེ་ཆེན་ལོངས་སྤྱོད་ལྡན།།རོལ་པ་ཐུགས་རྗེ་སྣ་ཚོགས་སྤྲུལ་པའི་གར།།ཀུན་འདུས་པདྨ་ཀ་རས་དགེ་ལེགས་སྩོལ། ། མྱང་འདས་དགེ་ལེགས་བྱེ་བའི་དཔལ༵་དང་ལྡན༵།།འཁོར་བའི་ཕུན་ཚོགས་རིག་པའི་མངའ་དབང༵་ཕྱུག༵།བསྟན་སྲིད་ཡིད་བཞིན་ནོར་བུའི་ཕྲིན་ལས་ཅན།།མཆོག་སྤྲུལ་དམ་པའི་སྐུ་ཚེ་བརྟན་གྱུར་ཅིག། འཁོར་བའི་ཚན་རྩལ་མཁས་པའི་འབུམ་རམས་པ།།དམ་ཆོས་དེ་ཉིད་རྟོགས་པའི་སྤྲུལ་པའི་སྐུ།།ལུང་རྟོགས་བསྟན་པའི་ཁྱབ་བདག་འགྲོ་བའི་མགོན།།འཁོར་འདས་དམ་ཆོས་འཁོར་ལོ་བསྐོར་གྱུར་ཅིག། ཚེ་རབས་ཀུན་ཏུ་པདྨས་རྗེས་སུ་བཟུང་།།ཡི་དམ་རྡོ་རྗེ་ཕུར་བའི་དངོས་གྲུབ་ཐོབ།།མཁའ་འགྲོའི་བདེ་ཆེན་དབང་ཕྱུག་ཧེ་རུ་ཀ།ཆོས་སྐྱོང་ཐུགས་དམ་དམ་པར་ཞབས་བརྟན་ཤོག། རིག་འཛིན་རྒྱལ་བ་རྒྱ་མཚོའི་བྱིན་རླབས་དང་། །རྟེན་འབྲེལ་བསླུ་བ་མེད་པའི་བདེན་སྟོབས་མཐུས། །བདག་གི་ལྷག་བསམ་སྨོན་པའི་དོན་དམ་ཀུན།།གེགས་མེད་བདེ་བླག་ཡིད་བཞིན་འགྲུབ་གྱུར་ཅིག །ཅེས་པ་འདི་ཡང་རབ་གནས་ས་ཕག་མགོ་ཟླའི་ཡར་ཚེས་བརྒྱད་ལ་དད་གུས་དམ་ཚིག་འགྱུར་བ་མེད་པའི་མཆོག་སྤྲུལ་དམ་པའི་ལེགས་རྩོམ་དེ་དབྱིན་ཡུལ་ནས་ལེགས་མཐར་ཕྱིན་པར་གྲུབ་པའི་དགའ་རྟགས་སུ་སྨོན་ཚིག་དྲང་སྲོང་བདེན་ཚིགས་སུ་རིག་འཛིན་དཔལ་དགྱེས་པ་རྡོ་རྗེ་རུ་འབོད་པའི་ཡིད་མཚོ་ལས་བྱུང་བ་བཞིན་ལེགས་སྐྱེས་སུ་དབྱིན་ཡུལ་ཨེ་ཝཾ་ཛྙཱ་ན་གུ་རུ་ལྷ་ཁང་ནས་སྤེལ་བར་དེ་དེ་བཞིན་དུ་འགྲུབ་པར་གྱུར་ཅིག་གུ།། །།

༧ཕུབ་རྡོ་རྗེ་དབང་འདུས་ཀྱི་བརྟན་གསོལ་ནོར་བུའི་ཕྲེང་བ།Garland of Jewels: A Long Life Prayer for P’ub Dorjé Wangdü (phub rdo rje dbang ‘dus kyi brtan gsol nor bu’i khreng ba) by Khenchen Lama Rinpoche, Pelgyeypa Dorjé (mkhan chen bla ma rin po che, dpal dgyes pa rdo rje) ཨེ་མ་ཧོ།།É-MA-HOHow marvelous! ཨོ་རྒྱན་པདྨའི་བྱིན་ལ་ཐུགས་ལ་འཁྲུངས།།OR-GYEN PAY-MA’Y JIN LA T’UK LA T’RUNGWith the blessing of Oḍḍiyāna Padma, born in his Awakened Mind, དྲང་བདེན་ངེས་ཤེས་ཕན་བདེའི་ཕྲིན་ལས་རྒྱས།།JAM-TSÉ NYING-JÉ TEN DANG DRO LA GONGWith loving-kindness and compassion, considering the Teachings and living beings, དྲང་བདེན་ངེས་ཤེས་ཕན་བདེའི་ཕྲིན་ལས་རྒྱས།།DRANG-DEN NGEY-SHEY P’EN-DÉ’I T’RIN-LAY GYAYWith sincerity and certainty, expanding the Awakened Activity of benefit and happiness: ཕུབ་མཆོག་རྡོ་རྗེ་དབང་འདུས་ཞབས་བརྟན་ཤོག།P’UP-CH’OK DOR-JÉ…

དེ་རིང་འབྲས་ལྗོངས་བཀྲ་ཤིས་མཆོད་གླིང་ནས་བསོ་རྒྱལ་རིན་པོ་ཆེའི་སྐུ་གདུང་དེ་རིང་འབུལ་བའི་སྐབས་སུ་དབྱིན་ཡུལ་ནས་འཇའ་སྤྲིན་ཚང་མ་ཤར་ཕྱོགས་སུ་རྒྱུ་བ་མངོན་སུམ་རེད་། གང་ལྟར་སྐྱེས་ཆེན་དམ་པ་དེ་རིགས་གཞན་དང་མ་འདྲ་བ་འདས་གསོན་ལ་ཁྱད་འཕགས་སུ་མཐོང་ངོ་། སྙིང་ནས་སྔ་འགྱུར་བསྟན་པ་རྒྱས་སྨོན་ཚར་གཅིག་དང་བདེན་ཚིག་གྲུབ་པ་ཡང་འདོན་ནས་སྨོན་ལམ་བྱས་སོ།།Cremation ceremony for the Kudung of Sogyal Rinpoche was held at Tashiding. The ceremony began early morning. The cremation ceremony was marked with offering of silk scarfs to the holy remains of Sogyal Rinpoche by the representatives from various monasteries, official dignitaries, monks and disciples from around the world, followed by sacred rituals of cremation. His passing in August 28 at the age of 72 was felt as a sudden and profound loss to Buddhists worldwide. The cremation ceromony was attended by many thousands of people from, Bhutan, Thailand, France and worldwide, as…

ཁ་སྤར་ཅི་ནུས་སྤོང་བར་མཛོད།།ན་མོ་མ་ཧཱ་གུ་རུ་ཡེ།།བླ་མ་ཀུན་འདུས་ཨོ་རྒྱན་པདྨ་འབྱུང་།།ཡི་དམ་ཞི་ཁྲོ་རྒྱལ་བའི་དཀྱིལ་འཁོར་དང་།།མཁའ་འགྲོ་རྗེ་བཙུན་སྒྲོལ་མའི་ལྷ་ཚོགས་བཅས།།ཆོས་སྐྱོང་གེ་སར་རྒྱལ་པོའི་རྟག་སྐྱོང་ཞིག།སྔ་མོ་ཡར་ལངས་སྔོན་འགྲོ་ཆོས་ལ་འབོད།།བློ་ལྡོག་རྣམ་བཞི་སྐྱབས་འགྲོ་སེམས་བསྐྱེད་དང་།།རྡོར་སེམས་མནྜལ་བླ་མའི་རྣལ་འབྱོར་སྐབས།།ཁ་སྤར་མ་འཆང་བར་ཆད་གཡེང་བས་ཁྱེར།།ནངས་ཟས་རོལ་དང་ནང་མི་མཉམ་འཛོམས་དུས།།དགའ་གུས་བརྩེ་བའི་ནང་གཏམ་གླེང་བ་དང་།།སྔོན་སོང་འབྱུང་འགྱུར་བཀའ་མོལ་གནང་བ་ལས།།ཁ་སྤར་མ་འཆང་བཟའ་ཚང་ནང་མཐུན་རལ།།གྲོགས་པོ་ནང་ཚེགས་འཕྲད་དང་སློབ་སྦྱོང་སྐབས།།གྲོགས་ལ་བལྟ་ཞིང་སློབ་ཚན་འབད་པ་ལས།།གལ་ཆུང་རྩེད་རྒྱན་ཕྱོགས་ལ་མགོ་འཁོར་བའི།།ཁ་སྤར་མ་རྩེད་དོན་ཆེན་འཆོར་བར་ངེས།།ཁྱད་པར་བསྐྱེད་རྫོགས་རྫོགས་ཆེན་སྒོམ་པ་དང་།།ལྷ་ཁང་ཚོགས་གྲལ་བསྙེན་སྒྲུབ་མཛད་པ་འམ།།ཁྱིམ་བདག་ཁྱིམ་ནས་སྐུ་རིམས་འདོན་པའི་ཚེ།།ཁ་སྤར་མ་འཆང་དྲན་ཤེས་བག་ཡོད་བྲལ།།ཁྲི་ཐོག་བླ་མས་དབང་བསྐུར་བྱེད་པ་དང་།།གྲྭ་ཚང་དགོན་པས་ཆོ་ག་ཆོས་སྤྱོད་རིགས།།མི་དམངས་ཕལ་ཆེར་ཆོས་ལ་བརྩོན་པའི་ཚེ།།ཁ་སྤར་མ་འཆང་ལྷ་བུའི་བདུད་ཆེན་ལགས།།སྔགས་འཆང་རིག་འཛིན་རྣམ་པར་བསྐྱེད་རྫོགས་གལ།།རབ་བྱུང་དགེ་འདུན་ཐོས་བསམ་སྒོམ་པར་གལ།།མི་སྐྱ་ཕོ་མོར་ཕ་མའི་བརྩེ་དུང་གལ།།གལ་ཆུང་ཁ་སྤར་མ་རྩེད་གཅེས་ཕྲུག་ཚོ།།ཉལ་ཁ་གློག་མེད་དུས་སུ་མིག་ལ་གནོད།།ཟ་མ་ཟ་ཚེ་ལྟོ་བ་མིད་པར་གནོད།།ནམ་རྒྱུན་ལུས་ལ་འཆང་ན་རྩ་ཀུན་གནོད།།གནོད་བྱེད་ཁ་སྤར་འདི་རིགས་སྤོང་བར་མཛོད།།ཅེས་རབ་གནས་ས་ཕག་མགོ་ཟླའི་རྒྱལ་བ་གཉིས་པར་ཀུན་བཟང་རྡོ་རྗེ་དང་རྡོ་རྗེ་ཕུན་ཚོགས་ངོར་ཤྲཱིཿཨེ་མ་ཧོས་གང་ཤར་ཕན་བདེའི་ཐབས་སུ་ཨེ་ཝཾ་ཀ་དག་གླིང་ནས་བྱས་པར་དགེའོ།།

གཏོར་ཟོར་ཆེན་མོ་དགྲ་ལ་བྷྱོ།།ཧཱུཾ་བྷྱོ།།བཀའ་བརྒྱད་རྩ་གསུམ་སྲུང་མའི་མཐུ་བྱིན་དང་།།གཏེར་ཟབ་རྒྱུད་པའི་བླ་མའི་བྱིན་རླབས་ཀྱིས།།བཀའ་གཏེར་བསྟན་ལ་གནོད་པའི་དགྲ་བགེགས་ཀུན།།ཀུན་བཟང་ཆོས་ཀྱི་དབྱིངས་སུ་ད་སྒྲོལ་ཅིག།ཟབ་རྒྱས་བཀའ་མའི་བསྟན་པ་ཕྱོགས་མཐར་ཁྱབ།།ཟབ་གཏེར་གཏེར་མཛོད་མུ་མེད་ནམ་མཁར་ཁྱབ།།མ་གྱུར་འགྲོ་བའི་མ་རིག་མུན་པར་བསལ།།ཆོས་འཁོར་དམ་པས་འཁོར་འདས་མཛེས་གྱུར་ཅིག།ཨོཾ་ཨཱཿཧཱུྃ་དྷརྨཱ་དྷརྟུ་སརྦ་སིདྡྷི་ཧཱུྃ་ཧྲཱིཿ ཅི་ནུས་མཐར།ཕྱིར་སྣོད་གཙང་མ་ཟངས་མདོག་དཔལ་རིར་དག།ནང་བཅུད་འགྲོ་ཀུན་རྒྱལ་བའི་ཞིང་དུ་རྫོགས།།གསང་བ་ཡེ་གྲོལ་ཆོས་དབྱིངས་ངང་དུ་སྨིན།།སྣང་གྲགས་རིག་པ་སྐུ་གསུམ་མངོན་གྱུར་ཤོག།ཅེས་པ་འདི་ཡང་རབ་གནས་ས་ཕག་མགོ་ཟླའི་དཀར་ཕྱོགས་དགའ་བར་གཉིས་པར་རྨི་ལམ་དང་བླ་མའི་བཀའ་དགོངས་བཞིན་དུ་བུདྡྷ་ཛྙཱ་ནའི་ཡང་སྲིད་ཀྱི་མིང་འཛིན་པ་ཤྲཱིཿཨེ་མ་ཧོས་དེ་ཉིད་ཐོལ་སྨོན་བཅས་ཨེ་ཝཾ་ནཱ་ག་གླིང་ནས་སོ།། སྤྱི་ལོ ༢༠༡༩ ཟླ་༡༢ ཚེས ༡ ལ།།