August 2019

རྒྱ་གར་གྱི་ཆོས་དང་སྲིད་འཛིན་པ་མུ་དྷཱི་ལ་བསྟོད་ཚིག་གསེར་གྱི་མཎྜལ།

རྒྱ་གར་གྱི་ཆོས་དང་སྲིད་འཛིན་པ་མུ་དྷཱི་ལ་བསྟོད་ཚིག་གསེར་གྱི་མཎྜལ།
ཨེ་མ་ཧོ།།
རྒྱལ་སྤྱིའི་སྟེང་ན་གཟི་དཔལ་རབ་ཏུ་བརྗིད།།
ལྷ་ལ་གུས་ཤིང་སངས་རྒྱས་དད་པ་བཞགས།
ལུས་སྦྱོང་གནང་ཞིང་པདྨ་འབྱུང་གནས་གསོལ།།
ཆོས་སྲིད་ཁྱབ་བདག་ཁྱེད་ལ་མངོན་པར་བསྟོད།།
འཕགས་ཡུལ་སྲིད་དོན་བྲེལ་ཚབ་ཆེ་ན་ཡང་།།
ཉིན་བཞིན་སྒོམ་ལ་བརྩོན་པའི་མུ་དྷཱིཿཉིད།།
ཆོས་དང་འཇིག་རྟེན་འཛིན་པའི་དཔའ་བོ་ཁྱེད།།
སྐུ་ཚེ་བརྟན་ཅིང་བསམ་དོན་མྱུར་འགྲུབ་ཤོག།
ལྷ་འདྲེ་རྩོད་གཞིའི་ཁ་མཆུ་ཁྱེད་ལ་མེད།།
དྲིན་ལན་ལོག་འཇལ་གཡོ་ཟོལ་དེ་བས་དབེན།།
གྲགས་པ་དོན་ལྡན་ཞི་བདེའི་སྲིད་འཛིན་ཉིད།།
འཛམ་གླིང་རྒྱན་ཏུ་ཡུན་རིང་འཚོ་གྱུར་ཅིག།
ཅེས་པ་འདི་ཡང་རྒྱལ་གར་སྲིད་བློན་ཆེན་པོ་མུ་དྷཱི་ཉིད་དཔལ་ལྡན་འབྲུག་གི་རྒྱལ་ཁབ་ནས་སྒོམ་རྒྱག་པ་དང་མཚོ་སྐྱེས་རྒྱལ་བའི་སྐུ་ལ་ཕྱག་འཚལ་སོགས་བརྙན་འཁོར་ལས་བཟང་རབ་མཐོང་མ་ཐག་གང་ཤར་ཤྲཱིཿཨེ་མ་ཧོས་དབྱིན་ཡུལ་ནས་བསྟོད་པར་དགེའོ།།

Leave a Reply

Your email address will not be published.