October 2019

༄༄། ། ན་མོ། བཀའ་དྲིན་ཅན་གྱི་བླ་མ་སྤྱི་བོའི་རྒྱན་དུ་མཆོད།། ཨ་ལ་ལ། ཀ་དག་གནས་ལུགས་ལྟ་བ་འཛིན་མེད་ཀྱི་ཀློང་ན།། གནམ་འཕང་སྤྱོད་པའི་ཐང་དཀར་རྒོད་པོ་དང་འདྲ་ལ།། བསྒོམ་མེད་ཡེངས་མེད་དམིགས་པའི་གཏད་སོ་དངབྲལ་བ།། ཕུ་ཆུ་དྲག་པོ་བརྡབ་པའི་ཆུ་ཀླུང་དང་མཚུངས་ཀྱི།། སྤྱོད་པ་སྤང་བླང་བྲལ་བ་བརྫུན་ཕུག་འདི་རྡིབས་ཤིང་།། ངོ་ལྐོག་མེད་པའི་དམ་ཚིག་ས་ལམ་ཤིང་རྟ་ལ་བཞོན་འདྲ།། རེ་འདོགས་བྲལ་བའི་འབྲས་བུ་གཞོན་ནུ་བུམ་པ་ཡི་ཀློང་ན།། དག་པ་གཉིས་ལྡན་ཆོས་སྐུ་ཤེལ་འོད་བཞིན་དུ་རང་སྨིན་ནོ།། གཞི་དབྱིངས་སྤྲོས་པ་བྲལ་བའི་མཐའ་བྲལ་གྱི་ཀློང་ན།། འགགས་མེད་ལམ་སྣང་ཤར་བའི་ཐ་དད་དུ་མ་མཐོང་།། འབྲས་བུ་བློ་ཆོས་ཟད་པ་དབྱེར་མེད་རང་འདུག་གོ། རྟོག་ཚོགས་དབྱིངས་སུ་ཡལ་བས་རིག་སྟོང་འདི་ཤར་བས།། འཁོར་འདས་བཟང་ངན་བྲལ་བས་རེ་དོགས་འདི་བྲལ་གཤིས།། རང་ཉིད་ཉམས་ཚོད་བསྟུན་པའི་སྐྱིད་གླུ་རང་ཡིན་གྱི།། བཀའ་དྲིན་ཅན་གྱི་བླ་མའི་བྱིན་མཐུས་ལས་ཤར་བ།། ནང་ལུགས་སུ་འབུལ་བས་འགལ་འཁྲུལ་ཞིག་སྲིད་ཀྱི།། ཆོས་ཉིད་འདུ་བྲལ་མེད་པའི་ཀློང་དུ་རང་བཤགས་ཞུ།། ཆོས་སྤྱན་ཡངས་པའི་སྤྱན་སྔར་མཆོད་པའི་རྣམ་རོལ་དུ་འབུལ་བས།། དགྱེས་པར་དགོངས་ལ་ཐུགས་རྗེ་དབྱིངས་ནས་རང་གཟིགས་མཛོད།། ཛྙཱ་ནས་བྲིས་པ་དགེ་ལེགས་ཀུན་ཁྱབ་རང་རྒྱས་ཤོག། །

Leave a Reply

Your email address will not be published.