October 2019

༧ཀུན་མཁྱེན་རིག་འཛིན་འཇིགས་མེད་གླིང་པ་དྲན་པའི་མེ་ལོང་།།
ན་མོ་མ་ཧཱ་གུ་རུ་ཨ་བྷྱ་ཡ།།
སྐུ་ཡི་དཀྱིལ་འཁོར་མཚན་དཔེ་ལྕང་ལོས་རྒྱན།།
གསུང་གི་གདམས་ངག་རྫོགས་པ་ཆེན་པོའི་མཛོད།།
ཐུགས་ཀྱི་ཡེ་ཤེས་དུས་གསུམ་རྒྱལ་བའི་ཐུགས།།
རིག་འཛིན་འཇིགས་མེད་གླིང་པ་སྙིང་ནས་དྲན།།
ཀུན་མཁྱེན་བརྒྱུད་པའི་མན་ངག་སྙིང་ནས་བྱུང།།
ཁམས་གསུམ་ལས་ཅན་འདྲེན་པའི་བཀའ་དྲིན་ཅན།།
ཨེ་ཝཾ་ལྷན་སྐྱེས་བདེ་དྲོད་སྤེལ་བའི་མགོན།།
སྙིང་དབུས་གཉུག་མའི་གཤིས་སུ་རྟག་ཏུ་དྲན།།
སྔོན་ཡང་སྔ་འགྱུར་བསྟན་པའི་བཀའ་དྲིན་ལས།།
གངས་ལྗོངས་བཀྲ་ཤིས་བདེ་ལེགས་ཡོངས་སུ་གང་།།
ད་ཡང་ཀུན་མཁྱེན་བརྒྱུད་པ་རིན་པོ་ཆེས།།
ཕན་བདེས་ལེགས་ཚོགས་འཁོར་འདས་རྒྱན་དུ་མཛེས།།
ཕྱིས་ཀྱང་བསྟན་པའི་མཐར་ཐུག་ཐེག་དགུའི་སྲོལ།།
ཟུང་འཇུག་འཇའ་ལུས་གྲུབ་པའི་རྣལ་འབྱོར་རིགས།།
མཆོག་ཐུན་དངོས་གྲུབ་བརྙེས་པའི་གྲུབ་ཐོབ་ཀུན།།
ཀུན་མཁྱེན་ཡབ་སྲས་རྒྱུད་པ་འདི་ཁོ་ན།།
འཕགས་ཡུལ་བསྟན་པའི་བཀའ་བསྟན་ཡང་དག་འཛིན།།
བོད་ཡུལ་བཀའ་གཏེར་ཟབ་རྒྱས་རྩ་བ་སྐྱོང་།།
ཡང་གསང་རྫོགས་ཆེན་སྙིང་ཐིག་བསྟན་པ་སྤེལ།།
ཀུན་ཁྱབ་ཀུན་བཟང་བསྟན་པ་དར་རྒྱས་ཤོག།
ཀུན་གསལ་ཁྱོན་ལ་གདལ་བའི་ཆོས་ལུགས་ལས།།
སྔ་འགྱུར་བསྟན་པའི་གསང་མཛོད་བདུད་རྩིའི་ཆར།།
མ་ལུས་འགྲོ་ཀུན་ཕན་བདེའི་སྤྲིན་ཆེན་པོས།།
སྨིན་གྲོལ་དམ་པས་འཁོར་བ་དོང་སྤྲུགས་ཤོག།
ཅེས་རབ་གནས་ས་ཕག་ལྷ་བབས་དུས་ཆེན་དང་ཀུན་མཁྱེན་འཇིགས་གླིང་པའི་འདས་མཆོད་སྐབས་སུ་ཤྲཱིཾཿཨེ་མ་ཧོས

Leave a Reply

Your email address will not be published.