March 2020

༄༅།།ན་མོ་གུ་རུ་བུདྡྷ་དྷརྨ་སངྒ་ཡེ།

གདོད་མའི་མགོན་དང་དབྱེར་མེད་པའི།།
འགྲོ་བའི་མགོན་པོ་ཐུགས་རྗེ་ཅན།།
ཐེག་མཆོག་ཤིང་རྟ་ཀློང་ཆེན་པ།།
དེ་ལ་གུས་པས་ཕྱག་འཚལ་ལོ།།

ཞེས་མཆོད་པར་བརྗོད་པའི་ཚིག་གིས་མདུན་བསུས་ཏེ།གང་གླེང་བར་བྱ་བའི་གཞི་ནི་བདག་ཅག་གི་སྟོན་པ་མཉམ་མེད་དོན་ཀུན་གྲུབ་པ་དེ་ཉིད་ཀྱིས།ཐོག་མར་བྱང་ཆུབ་མཆོག་ཏུ་ཐུགས་བསྐྱེད།བར་དུ་ཚོགས་གཉིས་རྒྱ་མཚོ་ལྟ་བུ་བསགས།མཐར་མངོན་པར་རྫོགས་པར་སངས་རྒྱས་ནས་གདུལ་བྱ་སེམས་ཅན་རྣམས་ཀྱི་ཁམས་དབང་མོས་པ་དང་འཚམ་པའི་ཆོས་ཀྱི་ཕུང་པོ་བསམ་གྱིས་མི་ཁྱབ་པ་ཇི་སྙེད་གསུངས་པ་ཀུན་ཀྱང་མཐར་འབྲས་བྱང་ཆུབ་གསུམ་གྱི་གོ་འཕང་ལ་འགོད་པར་བྱ་བའི་ཆེད་དུ་ལགས།

顶礼上师、佛陀、正法和僧众!

顶礼与本初佛无二的有情大悲怙主、胜乘之集大成者——龙钦巴大师!

为使一切众生最终获得三菩提果位,无等本师释迦牟尼佛通过生起菩提心、积累如海般的福慧二资粮,最终现证菩提后,结合众生的不同根基,宣说了不可思量的法门。

དེ་ཡང་བོད་གངས་ཅན་འདིར་ཆོས་རྒྱལ་ཡབ་མེས་ཀྱི་སྐུ་དྲིན་ལས་རྒྱ་གར་འཕགས་པའི་ཡུལ་ནས་ཕན་བདེའི་འབྱུང་གནས་མདོ་སྔགས་ཀྱི་ཆོས་ཚུལ་ཚང་ལ་ནོར་བ་མེད་པའི་ལམ་དཔལ་གསང་ཆེན་སྔ་འགྱུར་རྙིང་མའི་མདོ་སྒྱུ་སེམས་གསུམ་དང་།སོར་བྱང་སྔགས་ཀྱི་བསྟན་པ་རིན་པོ་ཆེ་འདི་ཉིད་མཁན་སློབ་ཆོས་གསུམ་གཙོ་བོར་གྱུར་པའི་འཕགས་བོད་ཀྱི་པཎ་གྲུབ་ལོ་ཙཱ་བ་རྣམས་ཀྱིས་བསྒྱུར་བཤད་འཆད་ཉན་གྱི་སྒོ་ནས་དར་ཞིང་རྒྱས་པར་མཛད་ཅིང་གདུལ་བྱ་གྲངས་མེད་སངས་རྒྱས་ཀྱི་ས་ལ་བཀོད་པ་ནི་བསྟན་པ་སྔ་དར་གྱི་སྐབས་སོ། །

在雪域西藏前弘期,基于法王先祖的厚恩,以“师君三尊”为主的印藏班智达、成就者和大译师们通过译、讲、听,大力弘扬了来自圣地印度作为利乐之源的显密完整无误之道——大密前译宁玛派“经幻心三部”和“三律仪”法宝,使无量众生获得究竟菩提。

བར་སྐབས་སུ་རྒྱལ་ཀུན་མཁྱེན་པའི་རང་གཟུགས་རྗེ་བཙུན་བརྟན་པའི་འཁོར་ལོ་དང་། དུས་གསུམ་ཀུན་མཁྱེན་སློབ་དཔོན་པདྨ་འབྱུང་གནས། ལྔ་བརྒྱའི་གཙུག་རྒྱན་པཎ་ཆེན་བི་མ་ལ་བཅས་ཀྱི་ཐུགས་མཁྱེན་པའི་ཡེ་ཤེས་གཅིག་ཏུ་བསྡུས་པའི་རང་གཟུགས་འོད་གསལ་གསང་བ་སྙིང་ཐིག་གི་བསྟན་པའི་ཤིང་རྟ་ཆེན་པོ་ཀུན་མཁྱེན་ཀློང་ཆེན་རབ་འབྱམས་བཟང་པོ་གང་ཉིད་རབ་བྱུང་ལྔ་པའི་ཕུར་བུ་ས་སྤྲེལ་སྤྱི་ལོ་༡༣༠༨བོད་ཟླ་གཉིས་པའི་ཚེས་བརྒྱད་སྐར་མ་རྒྱལ་འཛོམས་པའི་ཉིན་གངས་རི་ར་བས་བསྐོར་བའི་ལྗོངས་ལྷོ་བརྒྱུད་གྲ་ནང་སྟོད་གྲོང་དུ་ཡབ་སློབ་དཔོན་བསྟན་པ་སྲུངས་དང་ཡུམ་འབྲོམ་བཟའ་བསོད་ནམས་རྒྱན་གཉིས་ཀྱི་སྲས་སུ་ཞིང་འདིར་བསམ་བཞིན་དུ་བྱོན། གདུལ་བྱའི་སྣང་ངོར་དགེ་བའི་བཤེས་གཉེན་དུ་མའི་མདུན་ནས་མདོ་སྔགས་རིག་གནས་དང་བཅས་པ་ལ་་ཐོས་བསམ་སྒོམ་གསུམ་དཔྱིས་ཕྱིན་པར་མཛད། ཁྱད་པར་ཐུན་མིན་རིགས་བདག་རིག་འཛིན་ཀུ་མ་རཱ་ཛ་མཉེས་པ་གསུམ་གྱིས་བསྟེན་ཏེ།འོད་གསལ་རྫོགས་པ་ཆེན་པོའི་ཆོས་ཚུལ་རྣམས་བུམ་པ་གང་བྱོའི་ཚུལ་དུ་ཐུགས་ཀྱི་དཔལ་བེའུ་རུ་སྐྱིལ་དང་ཆབས་ཅིག་སྙིང་པོའི་སྒྲུབ་པ་ལ་རྩེ་གཅིག་ཏུ་གཞོལ་བས་རྫོགས་པ་ཆེན་པོ་རང་སྣང་རིས་མེད་ཀྱི་དགོངས་པ་མངོན་དུ་གྱུར།རིག་འཛིན་ཀུ་མ་རཱ་ཛས་ཁམས་གསུམ་ཆོས་ཀྱི་རྒྱལ་པོ་མངའ་གསོལ་ཞིང་དབང་བསྐུར་བས།ཆོས་ཀྱི་རྒྱལ་པོར་གྱུར་ཅིང་གང་གིས་མཐོང་བ་དང་།ཐོས་པ་དང་།དྲན་པ་དང་།རེག་པ་ཐམས་ཅད་གདོད་མའི་ས་ལ་འགོད་པའི་མཐུ་ཆེན་པོ་མངའ་བ་ཡིན།ཕྱི་རབས་ཀྱི་རྗེས་འཇུག་རྣམས་ལ་གསུང་རབ་ངལ་གསོ་སྐོར་གསུམ་དང་ཡང་ཏིག་རྣམ་གསུམ་མཛོད་ཆེན་བདུན་ལ་སོགས་བརྩམས་ཤིང་འབྲེལ་ཚད་ཀྱི་སེམས་ཅན་མཐའ་དང་མུ་མེད་པ་རིག་འཛིན་གྱི་ས་ལ་དྲངས་པ་སོགས་ངོ་མཚར་བའི་མཛད་འཕྲིན་བསམ་གྱིས་མི་ཁྱབ་པས་སྐུ་དྲིན་བརྗོད་ལས་འདས།

此后,光明大密心髓法之集大成者,被誉为文殊菩萨、莲花生大师和比玛拉米扎共同化身之遍智龙钦绕绛乘愿而来。尊者生于第五饶琼土猴年(公元1308年)二月八日于雪域山南扎囊地区堆仲村。其父为丹巴松,其母为仲萨· 索朗坚。在众生的一般认知中,遍智龙钦绕绛从众多善知识座前通过闻、思、修,精勤于显密教法及各类文化知识。特别是从不共法主仁增·古玛惹杂座前,通过三欢喜的依止,获得光明大圆满法教的完整传承,并专注地精勤于其精华的修持,从而现证大圆满密义。仁增·古玛惹杂将龙钦绕绛封为“三界法王”,后者名副其实地成为利益一切众生的法王。遍智龙钦绕绛拥有使任何见到、听到、忆到及触到他的众生引至本初境的能量。其一生勤于著书立说,为后人留下了诸如《大圆满三休息论》、《三精滴》、《七宝藏》等众多经典著作。凡是与其结缘的无量众生,都被引至持明果位。遍智隆钦绕绛一生从事不可思议的弘法利生事业,其恩德无法用语言表达。

སྤྱིར་ན་ལྗོངས་འདིར་འཕགས་བོད་ཀྱི་སྐྱེས་ཆེན་མང་པོའི་མཛད་རྣམ་ཞལ་ཐང་བཞེངས་སྲོལ་ཡོད་མོད། ད་བར་འོད་གསལ་རྫོགས་པ་ཆེན་པོའི་བསྟན་པའི་ཤིང་རྟ་ཀུན་མཁྱེན་ཀློང་ཆེན་རབ་འབྱམས་བཟང་པོའི་མཛད་རྣམ་རྒྱས་པའི་ཞལ་ཐང་མཇལ་དུ་མེད་པར་བརྟེན་མདོ་ཁམས་པ་ཆོས་གྲགས་བཟང་པོས་མཛད་པའི་རྣམ་ཐར་མཐོང་བ་དོན་ལྡན་དང་།རིག་འཛིན་འཇིགས་མེད་གླིང་པའི་གསུང་རྙིང་བརྒྱུད་དཀར་ཆག་འཛམ་གླིང་ཐ་གྲུར་ཁྱབ་པའི་རྒྱན་ལས་ཀུན་མཁྱེན་ཀློང་ཆེན་པའི་རྣམ་ཐར་དང་།རྨེ་བ་བསོད་ནམས་ཆོས་འགྲུབ་ཀྱིས་མཛད་པའི་རྣམ་ཐར་དད་པ་གསུམ་གྱི་འཇུག་ངོགས་སོགས་རྒྱ་མཚོ་ལྟ་བུ་ལས་སྙིང་དོན་གཅིག་ཏུ་བསྡུས་པའི་མཛད་རྣམ་བརྒྱ་རྩ་བརྒྱད་ལས་གྲུབ་པའི་སྔར་མེད་ཞལ་ཐང་པདྨ་དཀར་པོ་བཅུ་གསུམ་རྡོ་རྗེ་འཛིན་པའི་སའི་གྲངས་ལྡན་འདི་ཉིད་རིགས་བདག་༧གྲུབ་དབང་ཆོས་རྗེ་པདྨ་ནོར་བུའི་བཀའ་དགོངས་དང་མཐུན་པར་ཀུན་མཁྱེན་ཆེན་པོའི་གསང་གསུམ་གྱི་ཡོན་ཏན་ལ་རྒྱུ་མཚན་ཅུང་ཟད་ཤེས་ནས་དད་པ་ཐོབ་པའི་སྐལ་བ་མི་དམན་པ་དཀོན་མཆོག་བསྟན་འཛིན་ནམ་མིང་གཞན་པདྨ་ངོ་མཚར་རང་བྱུང་གྲུབ་པའི་རྡོ་རྗེས་ལྷག་བསམ་རྣམ་དག་ངང་ཡུལ་ཡར་ཀླུང་གི་ལྷ་བྲིས་ཆེན་མོ་བ་ཕུར་བུ་ཚེ་རིང་ལགས་ལ་འབྲིར་བཅུག་ནས་ལོ་གྲངས་བཅུ་ཡི་ནང་བགེགས་བར་གང་ཡང་མེད་པར་ལེགས་གྲུབ་བྱུང་བ་དེ་རབ་བྱུང་བཅུ་བདུན་པའི་མེ་བྱ་ལོར་ཀུན་མཁྱེན་ཆེན་པོའི་སྐུ་ཡི་འདས་མཆོད་ཉིན་སྔ་འགྱུར་བསྟན་པའི་ཉིན་བྱེད་༧སྐྱབས་རྗེ་རྡོར་བྲག་རིག་འཛིན་ཆེན་མོ་དང་གུས་པ་རང་ཉིད་གཙོས་པའི་འདུས་ཚོགས་རྣམས་ཀྱིས་བཀྲ་ཤིས་པའི་ཆོ་གས་རབ་ཏུ་གནས་པར་བྱ་བ་དང་ཆབས་ཅིག་རྒྱལ་བསྟན་དར་ཞིང་རྒྱས་པ་དང་། འགྲོ་ཀུན་བདེ་ཞིང་སྐྱིད་པའི་བསྔོ་སྨོན་གྱིས་རྒྱས་འདེབས་ལེགས་པར་གྲུབ།

将印藏很多大成就者的传记以唐卡艺术的形式呈现,是藏区的一项传统。然而,至今却没有出现完整记录光明大圆满集大成就者遍智龙钦绕绛生平事迹的传记唐卡。本人贡觉旦增(又名,白马·俄擦让琼珠白多吉)遵循恩师贝诺法王的旨意,本着对遍智龙钦绕绛的无尽信心和纯粹发心,将其传记《开卷有益》、《三信津梁》以及仁增·晋美林巴大师所描述的关于遍智龙钦绕绛传记的精华部分,编著为集生平一百零八个事迹的传记《白莲花》,并委托雅砻流域著名勉萨派唐卡艺术家普布次仁先生将《白莲花》绘制成唐卡。
历经十年的精心绘制,一套由十三幅唐卡组成的完整记录遍智龙钦绕绛生平一百零八个事迹的传记唐卡,已于第十七饶琼火鸡年在其圆寂纪念日前圆满完成。在纪念日当天,由前译派大德多吉扎·仁增钦莫法王和我本人为主的僧众,为传记唐卡举行了开光仪轨,并祈愿佛法昌盛、众生康乐。

གུས་པས་སླར་ཡང་རས་གཞིའི་ལམ་དུ་བསྐྱར་པར་སྤུས་ལེགས་ཞུས་ཏེ་གཙོ་བོར་སྔ་འགྱུར་བའི་དགོན་སྡེ་ཁག་དང་མཁན་སྤྲུལ་འདུས་སྡེ་རྣམས་ལ་འབུལ་བ་ལགས་ན།དེ་ཡི་རྣམ་དཀར་གྱི་དགེ་བས་འཇིག་རྟེན་གྱི་ཁམས་འདིར་རྒྱལ་བའི་བསྟན་པ་རིན་པོ་ཆེ་དར་ཞིང་རྒྱས་ལ་ཡུན་རིང་དུ་གནས་པ་དང་།དེར་འཛིན་གྱི་སྐྱེས་བུ་རྣམས་སྐུ་ཚེ་བརྟན་ཅིང་ཐུགས་ཀྱི་བཞེད་པ་མཐའ་དག་ལྷུན་གྱིས་གྲུབ་པ་དང་།ཡངས་པའི་རྒྱལ་ཁམས་ཀུན་ཏུ་ནད་མུག་མཚོན་འཁྲུག་སོགས་སྐལ་ངན་དུས་ཀྱི་རྒུད་པ་ཞི་བ་དང་།འགྲོ་རྣམས་ཕན་ཚུན་མཛའ་བརྩེས་འཚོ་ཞིང་ཞི་བདེའི་འོད་སྣང་དཀར་པོ་ལ་ལོངས་སྤྱོད་ནས་གནས་སྐབས་ཕན་པ་དང་མཐར་ཐུག་བདེ་བའི་དཔལ་དང་ལྡན་ཅིང་།གཞན་ཡང་རྣམ་དཀར་གྱི་བྱ་བ་འདི་ལ་སྔ་རྗེས་ཀུན་ཏུ་སྒོ་གསུམ་གྱིས་སྲི་ཞུ་གནང་བ་དང་།རྒྱུ་སྦྱོར་བའི་འབྲེལ་བ་ཐོབ་པ་བཅས་ཀྱི་གནས་སྐབས་མི་འདོད་པའི་རྐྱེན་ངན་བར་ཆད་ཐམས་ཅད་ཞི་ནས་མཐུན་རྐྱེན་ལེགས་ཚོགས་གོང་ནས་གོང་དུ་འཕེལ་བ་དང་།བསམ་པའི་དོན་ཐམས་ཅད་འབད་མེད་ཡིད་བཞིན་དུ་འགྲུབ་པ་དང་།མཐར་ཐུག་སངས་རྒྱས་ཀྱི་གོ་འཕང་རིན་པོ་ཆེ་ཐོབ་པའི་རྒྱུ་དམ་པར་གྱུར་ཅིག།

此外,本人将传记唐卡做了批量高仿复制,旨在供养各地宁玛派寺庙等。依此善根,愿佛法在世间昌盛、恒住;愿持法者长久住世,宏愿元成;愿止息世间一切饥疫战乱;愿一切众生互敬互爱、尽享和平,获得暂时利益和终极大乐;愿所有参与完成此项事业的志愿者和功德主们,远离一切不如意和违缘障碍,增长一切善缘和福德,成就一切所愿;愿一切善根成为成就佛果的因!

ཨེ་མ་ཀུན་མཁྱེན་ཐུགས་རྗེ་ཅན། །
ཆོས་དབྱིངས་ཀློང་ནས་གཟིགས་མཛོད་ལ། །
དྲི་མེད་མཁྱེན་རབ་འོད་སྟོང་གིས། །
བདག་བློའི་སྙིང་གི་མུན་པ་སོལ། །
ཐེག་དགུའི་རྩེ་རྒྱལ་རྫོགས་པ་ཆེའི། །
བསྟན་པའི་མངའ་བདག་ཀློང་ཆེན་པ། །
གང་དེའི་ཐུགས་ཀྱི་སྲས་གྱུར་ནས། །
བསྟན་ལ་བྱ་བ་བྱེད་པར་ཤོག །
འོད་གསལ་སྙིང་པོའི་བསྟན་པ་འདི། །
ནམ་མཁའ་བཞིན་དུ་ཀུན་ཁྱབ་ནས། །
འཛམ་གླིང་ཡངས་པའི་ཁྱོན་ཀུན་ཏུ། །
ཉི་ཟླ་བཞིན་དུ་གསལ་བར་ཤོག །
ཅེས་པ་འདི་ཉིད་སྔ་འགྱུར་བའི་བསྟན་པའི་སྣང་བྱེད་ཆེན་པོ་རིགས་བདག་༧ཆོས་རྗེ་པདྨ་ནོར་བུ་དང་། ༧སྐྱབས་རྗེ་མཁྱེན་བརྩེ་རབ་གསལ་ཟླ་བ། ༧སྤྲུལ་པའི་སྐུ་མཆོག་ཨོ་རྒྱན་ཆེ་མཆོག་སོགས་དམ་པ་དུ་མའི་ཞབས་རྡུལ་སྤྱི་བོར་ལེན་པའི་བཙུན་པ་དཀོན་མཆོག་བསྟན་འཛིན་ནས་བྲིས་པ་དགེའོ། །

啊,大悲遍智上师,
请在广大法界中赐予我悲悯!
请以万千慧光,
驱散我心中的黑暗。

愿光明精要的教法,
如虚空般遍及一切,
如日月之光辉,
永照世间!

至心虔敬修持和宣说宁玛派大日怙主贝诺法王、顶果钦泽法王及邬金其巧等圣贤上师教言之弟子贡觉旦增书于圣地拉萨。

Leave a Reply

Your email address will not be published.