མཁན་ཆེན་རྣམ་གཉིས་སྐུ་ཚེ་རིང་།༡མཁྱེན་པའི་དབང་ཕྱུག་དམར་སེར་གཞོན་ནུ་བ།།བརྩེ་བའི་བདག་ཉིད་ཕྱག་ན་པད་དཀར་འཛིན།།ནུས་པའི་མཐུ་སྟོབས་ལག་ན་རྡོ་རྗེ་ཡིས།།དགེ་མཚན་ལེགས་པའི་མེ་ཏོག་འཐོར་གྱུར༵་ཅི༵ག།༢སྤྱི་གཙུག་ཟླ་བ་འཛུམ་པའི་ལང་ཚོ་ཅན།།ཤེལ་དཀར་པི་ཝང་སྟོང་ཉིད་སྒྲ་དབྱངས་མ།།སྲིད་ཞིའི་ལེགས་ཚོགས་འགུག་པའི་རིག་བྱེད་ལྷ།།ཚངས་སྲས་ངག་གི་བུ་མོས་ཤིས་གྱུར༵་ཅི༵ག།༣ཡ་གླིང་འཛིན་མའི་ཐིག་ལེ་གངས་ལྡན་རི།།ཡབ་མེས་གདོང་དམར་སྤྲེའུ་བྱང་ཆུབ་རིགས།།རྣམ་དཀར་ཆོས་ཀྱི་ལེགས་ཚོགས་འཕེལ་བའི་ཞིང་།།ལུགས་གཉིས་གཙང་མས་ཀུན་ནས་ཤིས་གྱུར༵་ཅི༵ག།༤འདི་ན་རིགས་སྲས་གཙང་མའི་མི་བུ་ཟུང་།།ལང་ཚོའི་མེ་ཏོག་ན་ཕྲ་ཤེས་རིག་གི།སྒོ་ཐེམ་གཅིག་ལ་སྤོ་བའི་སློབ་བུ་གཉིས།།མདངས་བརྩེ་མི༵་འ༵གྱུར་པདྨ་དཀར་པོ་ཡི༵ན།།༥དང་པོར་འཛུམ་གྱིས་ཁེངས་བའི་མེ་ཏོག་ཟུང་།།བར་དུ་རྡོ་རྗེ་ཆོས་ཀྱི་སྤུན་གྲོགས་ཟུང་།།ཐ་མར་ཐུགས་འདུན་གཅིག་པའི་སློབ་དཔོན་ཟུང་།།བརྩེ་བ་མི༵་འ༵གྱུར་གསེར་གྱི་ཟམ་པ་ཡི༵ན།།༦མེས་པོའི་ཀ་ཁ་ག་ངའི་གདངས་དབྱངས་གཅིག།མེ་ཏོག་གང་ལ་ཕོག་པའི་ལྷ་སྐལ་གཅིག།དམ་ཆོས་བདུད་རྩིར་རོལ་བའི་ལས་སྐལ་གཅིག།སྨོན་འདུན་མི༵་འ༵གྱུར་གངས་ཀྱི་ལྷུན་པོ་ཡི༵ན།།༧རིགས་བརྒྱའི་ཁྱབ་བདག་བླ་མའི་ཐུགས་ཀྱི་བུ།།ངུར་སྨྲིག་རྒྱལ་མཚན་གསོལ་བའི་བཙུན་ཆུང་ཟུང་།།ཐོས་བསམ་ནོར་གྱིས་ཕྱུག་པའི་རིག་སྨྲ་བ།།དམ་བཅའ་མི༵་འ༵གྱུར་ཐུགས་འདུན་ཨ་ལོང་ཡི༵ན།། ༨བསྟན་ལ་ལྷག་བསམ་དཀར་བ་དུང་གི་ཟླ།།འགྲོ་ལ་སྙིང་རྗེ་དཀར་བ་འོ་མའི་མཚོ།།ཀུན་ལ་བརྩེ་སེམས་དཀར་བ་ལྷ་ཡི་དར།།དུངས་སེམས་མི༵་འ༵གྱུར་དངུལ་གྱི་མེ་ཏོག་ཡི༵ན།།༩རྨོངས་སད་ཞོགས་པའི་དྲིལ་བརྡ་གཅིག་ལ་འཕྲེངས།།རྟོགས་སད་རིག་པའི་རྒྱངས་གླུ་མཉམ་དུ་བཞེངས།།ཉམས་སད་ཆོས་ཉིད་རིག་པའི་རྩལ་ལ་དགྱེས།།ནང་སེམས་མི༵་འ༵གྱུར་གསེར་གྱི་ཁྱུང་ཆེན་ཡི༵ན།། ༡༠སྐད་ཡིག་ཟུང་འཇུག་རིས་འགྲེལ་མིང་གི་མཛོད།།གནའ་དེང་ཟུང་འཇུག་འཚེ་མེད་ལུགས་གཉིས་སྲོལ།།མདོ་སྔགསས་ཟུང་འཇུག་ཐེག་གསུམ་འགལ་མེད་རྟོགས།།ལྟ་གྲུབ་མི༵་འ༵གྱུར་གངས་ཀྱི་སེང་གེ་ཡི༵ན།།༡༡སྐད་གཉིས་ཐོགས་མེད་སྨྲ་བའི་ལོ་ཙཱ་བ།།ཚན་རྩལ་ལྟ་གྲུབ་གླེང་བའི་བསམ་བློ་བ།།ཞི་དུལ་རྒྱན་གྱིས་མཛེས་པའི་འདུལ་འཛིན་པ།།རང་ཚུགས་མི༵་འ༵གྱུར་རྒྱ་སྟག་དར་མ་ཡི༵ན།།༡༢མཁས་པའི་སྙན་པ་འཛམ་གླིང་ཤར་ནུབ་ཁྱབ།།བཙུན་པའི་མིག་དཔེ་གངས་ཅན་རི་ན་འཕགས།།བཟང་པོའི་མཛད་པ་མི་ནུབ་རྒྱལ་མཚན་ཆེ།།ནམ་ཡང་མི༵་འ༵གྱུར་སྙན་གྲགས་འབྲུག་སྒྲ་ཡི༵ན།།༡༣འཛམ་གླིང་གོ་ལ་ཅན་དུ་གྱུར་ན་ཡང་།།མཇལ་འཕྲད་ལག་འཇུ་དྲོན་མོ་ཡོད་ན་ཡང་།།ནང་སེམས་གཡོ་སྒྱུའི་ཁུག་མ་ཆེན་པོ་ཞིག།མཆོ༵ག་གཉི༵ས་མཇལ་འཕྲད་མཛའ་མཐུན་མེ་ཏོག་ཡི༵ན།།༡༤མི་རིགས་འཆམ་མཐུན་ཅན་དུ་གྱུར་ན་ཡང་།།སྐྱིད་སྡུག་ལག་རྡང་གཅིག་ཏུ་འདྲེས་ན་ཡང་།།ནང་སེམས་ཕྱོགས་ཞེན་གཡོ་སྒྱུའི་རྒྱ་མ་ཞིག།མཆོ༵ག་གཉི༵ས་འཆམ་མཐུན་བདེན་པའི་ལམ་བུ་ཡི༵ན།།༡༥སྤྱི་ཚོགས་འདྲ་མཉམ་ཁེ་དབང་གཅིག་ན་ཡང་།།ཕོ་མོ་འདྲ་མཉམ་ལས་དབང་གཅིག་ན་ཡང་།།ནང་སེམས་རྫུན་གྱི་རྨི་ལམ་འཐུག་པོ་ཞིག།མཆོ༵ག་གཉི༵ས་འདྲ་མཉམ་གསལ་བའི་མེ་ལོང་ཡི༵ན།། ༡༦འགའ་ཞིག་རྙིང་ཞེན་གཏན་ཚུགས་ཆེ་ན་ཡང་།།འགའ་ཞིག་གསར་བྱུང་བསམ་བློ་གསར་ན་ཡང་།།ནང་སེམས་ཕྱོགས་ལྷུང་རྐང་བ་ཡ་གཅིག་པ།།མཆོ༵ག་གཉི༵ས་གསར་རྙིང་འགལ་མེད་རྐང་གཉིས་ཡི༵ན།།༡༧གསར་རྙིང་རྩོད་པའི་དུས་རབས་བརྒལ་ན་ཡང་།།ཆོས་སྲིད་རྩོད་པའི་སྲོལ་ངན་ནུབ་ན་ཡང་།།ནང་སེམས་ཆགས་སྡང་མེ་ལྕེ་ནད་པ་ཞིག།མཆོ༵ག་གཉི༵ས་རིས་མེད་ལྟ་གྲུབ་སྒམ་དཀྱེལ་ཡི༵ན།།༡༨སྐད་ཡིག་དགོས་མེད་སྨྲ་བ་མང་ན་ཡང་།།ཆོས་ལུགས་མཁོ་མེད་ལྟ་བ་མོད་ན་ཡང་།།ནང་སེམས་རྨོངས་པའི་མུན་པའི་མཚན་ཞགས་ཤིག།མཆོ༵ག་གཉི༵ས་རྟོགས་སད་རིག་པའི་དཔའ་བོ་ཡི༵ན།།༡༩རྙིང་བ་ལྷ་ཡི་སྲོལ་དུ་འཛིན་ན་ཡང་།།གསར་བ་བདུད་ཀྱི་འཕྲུལ་དུ་སེམས་ན་ཡང་།།ནང་སེམས་འགལ་འདུའི་མེ་ཆུ་ཁ་སྤྲོད་ཅིག།མཆོ༵ག་གཉི༵ས་འགལ་མེད་ཐབས་ཤེས་ཟུང་འཇུག་ཡི༵ན།།༢༠མ་ཞང་བློན་ཆེན་གསོན་པོར་དོང་ལ་གཡུགས། །མཁན་ཆེན་ཞི་བ་འཚོ་ཡང་ཕྱི་ལ་བསྐྲད། །ལོ་ཆེན་བཻ་རོ་ཙཱ་ན་ས་མཐར་སྤྱུགས། །མ༵་གཞི༵་འུ༵་ཚོ༵འི་རི༵གས་ལ༵་མ༵ཐུན་སྒྲིལ༵་མེ༵ད། ། ༢༡ལུང་ཤར་ཚེ་རྒྱལ་མིག་གཉིས་ས་ལ་བྲུས།།དགེ་འདུན་ཆོས་འཕེལ་མཆོག་ཀྱང་བཙོན་ནས་བསད།།རྒྱལ་དབང་བཅུ་གསུམ་པ་ཡང་ལྐོག་ནས་གྲོངས། ། མ༵་གཞི༵་འུ༵་ཚོ༵འི་རི༵གས་ལ༵་མ༵ཐུན་སྒྲིལ༵་མེ༵ད། །༢༢མི་ལ་རས་པའི་ཞལ་དུ་དུག་ཞོ་དྲངས།།རྭ་སྒྲེང་རིན་པོ་ཆེ་ཡང་ནང་ནས་བསད།།གོང་ས་རྒྱལ་བའི་ཡབ་ཀྱང་དུག་གིས་གྲོངས། །མ༵་གཞི༵་འུ༵་ཚོ༵འི་རི༵གས་ལ༵་མ༵ཐུན་སྒྲིལ༵་མེ༵ད། །༢༣མཁས་པས་བཤད་ན་བླུན་པོས་སྟོང་གཏམ་ཟེར།།བླུན་པོས་བཤད་ན་མཁས་པས་ཉོག་གཏམ་ཟེར།།མཁས་བླུན་འགལ་འདུ་རྩོད་པའི་གངས་ཅན་པ།།མ༵་གཞི༵་འུ༵་ཚོ༵འི་རི༵གས་ལ༵་མ༵ཐུན་སྒྲིལ༵་མེ༵ད། །༢༤གྲྭ་བས་བཤད་ན་གྲོང་བར་ལྟ་ལོག་ཟེར།།གྲོང་བས་བཤད་ན་གྲྭ་བར་དཀོར་ཟན་ཟེར།།གྲྭ་གྲོང་རྩོད་པའི་སློབ་གསོའི་ཁོར་ཡུག་གཉིས།།མ༵་གཞི༵་འུ༵་ཚོ༵འི་རི༵གས་ལ༵་མ༵ཐུན་སྒྲིལ༵་མེ༵ད། །༢༥འབྲོག་པས་རོང་བར་མི་གཤིས་མི་ལྡན་ལབ།།རོང་བས་འབྲོག་པར་མི་ལུགས་མི་ཤེས་ལབ།།རོང་འབྲོག་རྩོད་པའི་འཚོ་བའི་ཟུར་ཁ་གཉིས།།མ༵་གཞི༵་འུ༵་ཚོ༵འི་རི༵གས་ལ༵་མ༵ཐུན་སྒྲིལ༵་མེ༵ད། །༢༦མྱང་ཤ་གླེན་པས་རང་ལུས་དུམ་བུར་གཏུབ། །རྔོག་མི་གཟའ་བོས་ཕོ་རྟགས་རྡོ་ཡིས་བཅོམ། །བན་བོན་གཉིས་ཀས་སྟོན་པ་རྩོད་དུས་འདིར། ། ཁྱེ༵ད་གཉི༵ས་དེ༵་འདྲ༵་མ༵་ལག༵ས་སྐུ༵་ཚེ༵་རི༵ང་། ། ༢༧མཁས་ན་མི་ཁ་འཁོར་བ་བོད་ཀྱི་གཤིས། ། བཟང་ན་ཕྲག་ཁ་ན་བ་བོད་ཀྱི་སྲོལ། ། ཆོལ་ཁ་ཆོས་ལུགས་འཐེན་འཁྱེར་བྱེད་དུས་འདིར། ། ཁྱེ༵ད་གཉི༵ས་དེ༵་འདྲ༵་མ༵་ལག༵ས་སྐུ༵་ཚེ༵་རི༵ང་། ། ༢༨ལན་གཅིག་བདེ་བ་ཙམ་གྱིས་དགའ་བས་མྱོས། སྐབས་རེར་སྐྱོ་བ་ཙམ་གྱིས་མཆི་མས་བརྣངས། །ཕལ་བའི་སེམས་པ་སོས་ཀའི་གནམ་ངོ་འདྲ། །ཁྱེ༵ད་གཉི༵ས་དེ༵་འདྲ༵་མ༵་ལག༵ས་སྐུ༵་ཚེ༵་རི༵ང་། ། ༢༩འཇིག་རྟེན་འདི་ཀོ་དྲི་ཟའི་གྲོང་ཁྱེར་ནས། །མྱ་ངན་ཐང་དུ་རྒྱུ་བའི་འགྲོ་བ་དག །སུ་ལས་སུ་མགྱོགས་རང་གི་དོན་དུ་འདུར། ། ཁྱེ༵ད་གཉི༵ས་དེ༵་འདྲ༵་མ༵་ལག༵ས་སྐུ༵་ཚེ༵་རི༵ང་། ། ༣༠སྙན་གྲགས་ཅུང་ཟད་ཙམ་གྱི་ཁེ་ཕན་དང་། །གོ་ས་སྐར་མ་གང་གི་མཐོ་དམན་ལ། །ཕ་སྤུན་ཡིན་ཡང་དམོད་ཁ་བཀྱེ་དུས་འདིར། །ཁྱེ༵ད་གཉི༵ས་དེ༵་འདྲ༵་མ༵་ལག༵ས་སྐུ༵་ཚེ༵་རི༵ང་། ། ༣༡གདོང་གྲལ་མགོ་ལ་སུ་ཐོན་བལྟ་དུས་འདིར། །གསེར་ཁྲིའི་ཐོག་ལ་སུ་འདུག་རྩོད་དུས་འདིར། །ཆོས་རྒྱུད་གྲུབ་མཐའ་ཟོང་ལ་བརྗེ་དུས་འདིར། །ཁྱེ༵ད་གཉི༵ས་དེ༵་འདྲ༵་མ༵་ལག༵ས་སྐུ༵་ཚེ༵་རི༵ང་།…

ཞབས་དཀར་ཚོགས་དྲུག་རང་གྲོལ་གྱིས་མཛད། ཨོཾ་མ་ཎི་པདྨེ་ཧཱུྃ་ཧྲཱིཿ འཕགས་པ་ཐུགས་རྗེ་ཆེན་པོ་དགོངས་སུ་གསོལ།། ཚེ་འདིར་དྲིན་གྱིས་བསྐྱངས་པའི་དྲིན་ཅན་ཕ། །འཇིག་རྟེན་ཕྱི་མའི་ཡུལ་དུ་སོང་བ་ལ། །གཡེལ་བ་མེད་པར་ཐུགས་རྗེའི་སྤྱན་གྱིས་གཟིགས། །ཨོཾ་མ་ཎི་པདྨེ་ཧཱུྃ་ཧྲཱིཿ ཤུལ་ནས་བུ་ཡིས་དཀོན་མཆོག་མཆོད་པ་དང་། །དགེ་འདུན་བསྙེན་བཀུར་ལ་སོགས་དགེ་བའི་ལས། །ཅི་བྱས་ཐམས་ཅད་མྱུར་དུ་རྗེས་འབྲངས་ནས། །ཕྱི་མའི་དུས་སུ་ཕན་ཐོགས་འབྱུང་བར་ཤོག། ཨོཾ་མ་ཎི་པདྨེ་ཧཱུྃ་ཧྲཱིཿ ཁྱིམ་ཚང་བཟའ་བའི་ཁ་རྒྱབ་གཉིས་ཀྱི་ཕྱིར། །ནམ་ཡང་ཡུལ་ནས་སྡོད་པའི་དུས་མི་འབྱུང་། །ཕྱོགས་བཅུར་འཁྱམས་ནས་ཟས་གོས་ནོར་རྣམས་བཙལ། །གང་མཁོ་ཁྱེར་ནས་འོང་བའི་དྲིན་ཕ། །ཨོཾ་མ་ཎི་པདྨེ་ཧཱུྃ་ཧྲཱིཿ འཇིག་རྟེན་ཕྱི་མར་སོང་བ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲང་དུ་གསོལ། །ཤུལ་ནས་བུ་ཡིས་ཅི་བྱས་དགེ་རྩ་རྣམས། །རྗེས་སུ་འབྲངས་ནས་ཕན་ཐོགས་འབྱུང་བར་ཤོག།ཨོཾ་མ་ཎི་པདྨེ་ཧཱུྃ་ཧྲཱིཿ ཉིན་པར་འགྲོ་ཞིང་མཚན་མོ་ཉལ་ན་ཡང་། །བུ་དང་བུ་མོ་རྣམས་ཀྱི་ལྟོ་རྒྱབ་འདི། །ཇི་ལྟར་བྱས་ན་རྙེད་དམ་བསམ་བློ་བཏང་། །སེམས་ཁུར་མ་ལས་ཆེ་བའི་དྲིན་ཆེན་ཕ། །ཨོཾ་མ་ཎི་པདྨེ་ཧཱུྃ་ཧྲཱིཿ འཇིག་རྟེན་ཕྱི་མར་སོང་བ་སྙིང་རེ་རྗེ། །སྤྱན་རས་གཟིགས་ཀྱིས་ལམ་སྣ་དྲང་དུ་གསོལ། །ཤུལ་ནས་བུ་ཡིས་ཅི་བྱས་དགེ་རྩ་རྣམས། །རྗེས་སུ་འབྲངས་ནས་ཕན་ཐོགས་འབྱུང་བར་ཤོག།ཨོཾ་མ་ཎི་པདྨེ་ཧཱུྃ་ཧྲཱིཿཟས་ནི་ངན་ངོན་གོས་ཧྲུལ་སློག་པ་གྱོན། །ཉིན་པར་ལྟོ་བཅགས་མཚན་མོའི་གཉིད་སྤངས་ནས། །ཞིང་ལས་སོ་ནམ་རེམ་པས་ཉིན་མཚན་འདས། །ཚེ་འདིར་སྐྱིད་པོ་མ་བྱུང་དྲིན་ཆེན་ཕ། །ཨོཾ་མ་ཎི་པདྨེ་ཧཱུྃ་ཧྲཱིིཿ འཇིག་རྟེན་ཕྱི་མར་སོང་བ་སྙིང་རེ་རྗེ། །ཤུལ་ནས་བུ་ཡིས་ཅི་བྱས་དགེ་རྩ་རྣམས། །རྗེས་སུ་འབྲངས་ནས་ཕན་ཐོགས་འབྱུང་བར་ཤོག།ཨོཾ་མ་ཎི་པདྨེ་ཧཱུྃ་ཧྲཱིཿནོར་རྫས་བཙལ་ནས་མ་རྙེད་རྐུ་འཕྲོག་བྱས། །རྫུན་དང་གཡོ་སྒྱུས་ཕ་རོལ་གཞན་མགོ་སྐོར། །སྡིག་ལས་མང་པོ་ཞར་དང་ཞོར་ལ་བསགས། །ཕྱི་མར་ནམ་ཡང་མི་སྐྱིད་དྲིན་ཆེན་ཕ། །ཨོཾ་མ་ཎི་པདྨེ་ཧཱུྃ་ཧྲཱིཿ…

ཨེ་ཝཾ་སྨིན་གྲོལ་རོལ་བའི་མན་ཤེལ་རྡོ་རྗེ།།ཨེ་མ་ཧོ།།གཞི་སེམས་ཉིད་ངོ་བོ་གཅིག་པ་ལ།།ཡིད་མཐོང་ཚུལ་རྩལ་ལས་འཁོར་འདས་ཀྱི།།བློ་རོལ་བ་སྣང་མུན་གཉིས་སུ་སྣང་།།དོན་འཇམ་དཔལ་དཔའ་བོའི་ཆོ་འཕྲུལ་ཙམ།།ལམ་རྫུན་རིས་རང་བཞིན་ཤེས་པ་ན།།སེམས་དད་པ་དག་སྣང་གོང་དུ་འཕེལ།།ཆོས་ཡང་དག་རྒྱུད་ལ་འབྱོར་བའི་ཚེ།།མ་གསང་བ་མཁའ་འགྲོའི་ཕྱག་རྒྱ་རོལ།།གནད་འབྲས་བུ་ཐུགས་རྗེའི་དོན་རྟོགས་ནས།།྄བློ་མི་ཕྱེད་དད་པས་མཇལ་ཕྱག་འཚལ།།ཕ་བརྒྱུད་གསུམ་བླ་མ་བཀའ་དྲིན་གྱིས།།དུས་ཀུན་བཟང་ཕྱིན་པར་ཨེ་མ་ཧོ།།ཨེ་སྟོང་པ་མཐོང་བའི་ཀ་དག་དང་།།ཝཾ་སྣང་མུན་གྲོལ་བའི་ལྷུན་གྲུབ་ལ།།གནས་འདི་རུ་རྒྱལ་བའི་དགོངས་པ་ཟིན།།རྗེ་བཙུན་མ་ཕྱག་རྒྱ་ཆེན་པོར་རྒྱལ།།ཞེས་པ་འདི་ཡང་རབ་གནས་ས་ཕག་ས་ག་ཟླ་བའི་ཡར་ཚེས་རྒྱལ་བ་གསུམ་པར་མཁའ་འགྲོ་གསང་བ་ཡེ་ཤེས་ཀྱི་སྒྲུབ་ཆེན་སྐབས་སུ་ཤར་བ་དག་མདོར་ཙམ་དུ་ཨེ་ཝཾ་སངས་རྒྱས་སྟོང་གི་སྐྱེད་ཚལ། ཡང་ཏི་སྣང་མུན་འོད་གསལ་ཆོས་གླིང་ནས་རིག་འཛིན་ཨེ་མ་ཧོས་བགྱིས་པར་དགེའོ།། །།

ཨེ་ཝཾ་སྨིན་གྲོལ་རོལ་བའི་མན་ཤེལ་རྡོ་རྗེ།།ཨེ་མ་ཧོ།།གཞི་སེམས་ཉིད་ངོ་བོ་གཅིག་པ་ལ།།ཡིད་མཐོང་ཚུལ་རྩལ་ལས་འཁོར་འདས་ཀྱི།།བློ་རོལ་བ་སྣང་མུན་གཉིས་སུ་སྣང་།།དོན་འཇམ་དཔལ་དཔའ་བོའི་ཆོ་འཕྲུལ་ཙམ།།ལམ་རྫུན་རིས་རང་བཞིན་ཤེས་པ་ན།།སེམས་དད་པ་དག་སྣང་གོང་དུ་འཕེལ།།ཆོས་ཡང་དག་རྒྱུད་ལ་འབྱོར་བའི་ཚེ།།མ་གསང་བ་མཁའ་འགྲོའི་ཕྱག་རྒྱ་རོལ།།གནད་འབྲས་བུ་ཐུགས་རྗེའི་དོན་རྟོགས་ནས།།྄བློ་མི་ཕྱེད་དད་པས་མཇལ་ཕྱག་འཚལ།།ཕ་བརྒྱུད་གསུམ་བླ་མ་བཀའ་དྲིན་གྱིས།།དུས་ཀུན་བཟང་ཕྱིན་པར་ཨེ་མ་ཧོ།།ཨེ་སྟོང་པ་མཐོང་བའི་ཀ་དག་དང་།།ཝཾ་སྣང་མུན་གྲོལ་བའི་ལྷུན་གྲུབ་ལ།།གནས་འདི་རུ་རྒྱལ་བའི་དགོངས་པ་ཟིན།།རྗེ་བཙུན་མ་ཕྱག་རྒྱ་ཆེན་པོར་རྒྱལ།།ཞེས་པ་འདི་ཡང་རབ་གནས་ས་ཕག་ས་ག་ཟླ་བའི་ཡར་ཚེས་རྒྱལ་བ་གསུམ་པར་མཁའ་འགྲོ་གསང་བ་ཡེ་ཤེས་ཀྱི་སྒྲུབ་ཆེན་སྐབས་སུ་ཤར་བ་དག་མདོར་ཙམ་དུ་ཨེ་ཝཾ་སངས་རྒྱས་སྟོང་གི་སྐྱེད་ཚལ། ཡང་ཏི་སྣང་མུན་འོད་གསལ་ཆོས་གླིང་ནས་རིག་འཛིན་ཨེ་མ་ཧོས་བགྱིས་པར་དགེའོ།། །།

དམ་ཚིག་བཅུ་བཞིའི་གསལ་བཤད་ཀུན་དགའ་ནོར་བུའི་དོ་ཤལ།ན་མོ་གུ་རུ་བཛྲ་ཡཱ་ན་མཱུ་ལཱ་པ་དྷི་ཡེ།།རྡོ་རྗེ་ཐེག་པའི་རྩ་བའི་ལྟུང་བཅུ་བཞི་ཡི།།ཚིག་དོན་མ་ནོར་དམ་ཅན་བུ་ལ་གདམས།།དམ་གཙང་ཡེ་ཤེས་སྙིང་པོའི་འོད་གསལ་བ།།མ་ལུས་འགྲོ་ཀུན་དོན་ཆེན་ལྷུན་གྲུབ་སྩོལ།།དངོས་གྲུབ་རྡོ་རྗེ་སློབ་དཔོན་རྗེས་འབྲང་ལ།།བརྙས་པའི་རྩ་ལྟུང་དང་པོ་མཐོལ་ལོ་བཤགས།།བདེ་གཤེགས་བཀའ་ལས་འདས་པའི་ལྟུང་བ་ཞེས།།རྩ་ལྟུང་གཉིས་པ་ཕོག་པ་མཐོལ་ལོ་བཤགས།།རྡོ་རྗེའི་སྤུན་ལ་ཁྲོས་ཤིང་བརྡེག་པ་དང་།།ཉེས་བརྗོད་གསུམ་པ་ཤོར་བར་མཐོལ་ལོ་བཤགས།།མ་ལུས་སེམས་ཅན་རྣམས་ལ་བྱམས་པ་སྤང་།།རྩ་ལྟུང་བཞི་པ་ཡིན་པར་རྒྱལ་བས་གསུངས།།དམ་ཚིག་བཞི་པ་རལ་བ་མཐོལ་ལོ་བཤགས།།ཆོས་ཀྱི་རྩ་བ་བྱང་ཆུབ་སེམས་ཉིད་ཡིན།།དེ་སྤོང་བ་ནི་ལྔ་པ་ཕོག་པ་མཐོལ་ལོ་བཤགས།།རང་གཞན་གྲུབ་མཐའ་ཀུན་ལ་སྡང་བ་དང་།།ཆོས་ལ་སྨོད་པ་དྲུག་པར་མཐོལ་ལོ་བཤགས།།ཡོངས་སུ་མ་སྨིན་སེམས་ཅན་ཐམས་ཅད་ལ།།གསང་བ་སྒྲོག་པ་བདུན་པ་མཐོལ་ལོ་བཤགས།།ཕུང་པོ་སངས་རྒྱས་ལྔ་ཡི་མངའ་བདག་ཉིད་ལ།།ངན་སྨོད་བརྒྱད་པ་ཕོག་པ་མཐོལ་ལོ་བཤགས།།རང་བཞིན་ཡེ་ནས་དག་པའི་ཆོས་རྣམས་ལ།།སོམ་ཉི་ཟ་བ་དགུ་པར་མཐོལ་ལོ་བཤགས།།གདུག་ལ་རྟག་ཏུ་བྱམས་སྐྱེས་བྱེད་ལྡན་པ།།དམ་ཉམས་བཅུ་པ་ཕོག་པ་མཐོལ་ལོ་བཤགས།།མིང་སོགས་བྲལ་བའི་ཆོས་རྣམས་དེར་རྟོག་པ།།ཡིད་རལ་བཅུ་གཅིག་ཕོག་པ་མཐོལ་ལོ་བཤགས།།སེམས་ཅན་དད་དང་ལྡན་པའི་སེམས་སུན་འབྱིན།།སེམས་ཉམས་བཅུ་གཉིས་ཕོག་པ་མཐོལ་ལོ་བཤགས།།དམ་ཚིག་རྫས་ནི་ཇི་བཞིན་ཉིད་མི་བརྟེན་པ།།ལས་ཉམས་བཅུ་གསུམ་ཕོག་པ་མཐོལ་ལོ་བཤགས།།ཤེས་རབ་རང་བཞིན་བུད་མེད་སྨོད་པར་བྱེད།།རིག་ཉམས་བཅུ་བཞི་ཕོག་པ་མཐོལ་ལོ་བཤགས།།དངོས་གྲུབ་མྱུར་དུ་ཐོབ་འདོད་སྔགས་འཆང་གིས།།དམ་ཚིག་རིམ་པ་མ་འདྲིས་ལེགས་སྲུང་ན།།ཚེ་འདིར་གྲོལ་བ་རྡོ་རྗེ་འཆང་གི་བཀའ།།སྙིང་དང་སྲོག་ལས་གཅེས་མཛོད་སྐལ་བཟང་རྣམས།།ཞེས་པ་རབ་གནས་ས་ཕག་ས་ག་ཟླ་བའི་ཡར་ཚེས་རྒྱལ་བ་གསུམ་པར་དོན་གཉེར་གསེར་མདོག་ལྕང་ལོ་ཅན་འགས་ངོར་གོ་བདེར་བཤད་པར་དག་ཚིག་བཅད་དུ་ཤྲཱིཿཨེ་མ་ཧོས་ཡིད་ཀྱི་ནམ་མཁའ་མཛོད་ལས་ཕྱུང་བ་དག་ཨེ་ཝཾ་སངས་རྒྱས་སྟོང་གི་སྐྱེད་ཚལ་ནས་བགྱིས་པར་དགེའོ། །

Khenchen Lama and Sang-ngag Tulku Rinpoche Khenchen Lama and Sang-ngag Tulku Ewam Garden of One Thousand Buddhas ༧སྐྱབས་རྗེ་དམ་པ་ཨོ་རྒྱན་དྲི་མེད་གླིང་པའི་ཡང་སྤྲུལ་དྲུག་པ་སྒོ་ཆེན་སྤྲུལ་སྐུ་གསང་སྔགས་བསྟན་འཛིན་རིན་པོ་ཆེས་ངོས་ལ་ཐུགས་བརྩེ་རྒྱ་ཆེན་པོས་རྗེས་སུ་བཟུང་ནས་འཁོར་འདས་གཉིས་ཀ་ལ་བདག་སྐྱོང་བླ་ན་མེད་པར་མཛད། ཁྱད་པར་དུ་སྐུ་ཉིད་ཀྱི་སྒོམ་ཁང་ཆུང་ཆུང་ཞིག་ཏུ་ཁྲིད་ནས་བདག་གཅིག་པུ་ལ་ཨོ་རྒྱན་རྩ་གསུམ་གླིང་པའི་ཟབ་གཏེར་ལས་བླ་མ་དྲག་པོ་པདྨ་ཁྲག་འཐུང་ལས། རྫོགས་ཆེན་རྩ་དབང་དོན་ཁྲིད་ཀྱི་དགོངས་འགྲེལ་འཁོར་འདས་རང་གྲོལ་གྱི་ཟབ་ཁྲིད་རྒྱས་པ་ཚེས་བཅུའི་ཉིན་གང་བོར་གསུངས། བླ་མ་བཀའ་དྲིན་ཅན་གྱིས་བདག་ལ་འཁོར་འདས་ཀུན་ལ་གསང་རྒྱ་མེད་པར་ལྟ་བ་ལ་ངོ་བོ་མཐོང་ཚུལ། སྒོམ་པ་ཡིས་རང་བཞིན་གོམས་སྟངས། སྤྱོད་པ་ལ་ཐུགས་ཐིག་ལམ་ཁྱེར། འབྲས་བུ་ལ་འགྲོ་དོན་ལྷུན་གྲུབ་ཀྱི་མན་ངག་དང་། གཞི་ཡི་ངོས་འཛིན། ལམ་གྱི་གོལ་ས། རྒྱུན་པར་དྲན་ཤེས་དང་། གནམ་ལྕགས་མན་ངག་གསང་བ་རིན་པོ་ཆེའི་སྐོར་སོགས་མདོ་སྔགས་སྤྱི་དང་། བྱེ་བྲག་མཁྱེན་བརྩེ་རྡོ་རྗེ་འཆང་གི་ཞལ་གདམས། རྫོགས་ཆེན་རྒྱུད་སྡེ་ཡོངས་ཀྱི་སྙིང་བཅུད། སྐུ་ཚེ་གང་བོར་རྫོགས་པ་ཆེན་པོ་ཐུགས་དམ་མཛད་པའི་ཉམས་རྟོགས་རྣམས་བདག་ལ་གབ་སྦས་གསང་བར་མ་མཛད་པར་བཀའ་མོལ་ལྷུག་པོར་གསུངས་ནས་ངོ་སྤྲོད་དང་རིག་པའི་རྩལ་དབང་སྐབས་སུ་ཐུགས་ཡིད་དབྱེར་མེད་དང་། ངོས་ལ་དད་དམ་བཅོས་མིན་ངང་ནས་བླ་མ་ལ་མི་ཕྱེད་པའི་དད་གུས་ཐོབ། ཇི་སྐད་དུ། བླ་མ་རིན་པོ་ཆེས་འདི་ན་དཔོན་མེད་གཡོག་ཀྱང་དེ་བས་མེད།།བླ་མ་སློབ་མའི་དགོངས་པ་དབྱེར་མེད་པར།།ལྟ་སྒོམ་སྤྱོད་འབྲས་མ་ནོར་རྟོགས་པ་ལ།།ཟབ་ཞི་སྤྲོས་བྲལ་འོད་གསལ་འདུས་མ་བྱས།། གནས་ལུགས་གཞི་དབྱིངས་རང་གྲོལ་འདི་ཀ་འོ།། ཞེས་སོགས་ཞལ་རྩེད་དང་གདམས་ངག་ཏུ་གནང་།། གཞན་ཡང་གནུབས་ཆེན་སངས་རྒྱས་ཡེ་ཤེས་ཀྱི་བཀའ་གཏེར་སྐོར་ལ་ཡང་ཟབ་རྒྱས་དཀའ་གནད་དང་ཐུགས་བསྐྱེད་བླ་ན་མེད་པའི་འགན་བཞེས་ནི་སྔ་འགྱུར་སྤྱི་ལ་བཀའ་དྲིན་བླ་ན་མེད་པར་མཆིས་སོ། རྒྱས་པར་ཨེ་མ་ཧོའི་ཉིན་ཐོའི་ཟིན་བྲིས་ལས་ཤེས་འཚལ།། ཤྲཱིཿཨེ་མ་ཧོས