༧མཁན་ཆེན་བླ་མ་མཁྱེན་ནོ།།སངས་རྒྱས་ཀུན་འདུས་ནསཨཱཿཨེ་ཝཾ་མཁན་ཆེན་རོལ་བ་ལས།།སྣང་སྟོང་རྣམ་དག་བླ་མ་ལ།། ཡེ་ཤེས་ལྔ་ལྡན་འོད་ཀློང་ནས།། རྩོལ་མེད་ཐུགས་རྗེའི་བྱིན་གྱིས་རློབས།། ལྟ་བ་རང་གསལ་མཆོད་པ་འབུལ།། སྒོམ་པ་གྲོལ་བདེ་ངང་དུ་བཞེས།། སྤྱོད་པ་སྣ་ཚོགས་བརྡ་སྟོན་བསྟོད།། འབྲས་བུ་ཆོས་ཟད་དབྱིངས་སུ་བཞག། དཔལ་ལྡན་མཁན་ཆེན་སྐུ་ཚེ་བརྟན།།ཡེ་ཤེས་བླ་མ་འགྲོ་བའི་མགོན་དུ་བཞུགས།།གང་བསམ་ཡིད་བཞིན་ནོར་བུ་རིན་པོ་ཆེ།།ནམ་ཡང་འབྲལ་བ་མེད་པར་ཐུགས་རྗེས་ཟུངས།།མཁའ་མཉམ་འགྲོ་ལ་འཇམ་དཔལ་དགྱེས་པས་གཟིགས།། སྡུག་བསྔལ་མིང་མེད་བདེ་སྐྱིད་ནམ་མཁའ་གང་།། ཚོགས་རྫོགས་སྒྲིབ་སྦྱང་འཁོར་བ་དོང་སྤྲུགས་ཤོག། ཀུན་ནས་དད་གུས་གསོལ་བ་འདེབས་པ་དང་།།ཀུན་པས་སྨོན་པ་རྩ་གསུམ་བདེན་པའི་མཐུས།།ཀུན་བསམ་ལྷུན་གྲུབ་ཡིད་བཞིན་ནོར་བུ་ལྟར།།ཀུན་བཟང་སྨོན་ལམ་དཔུང་གྲོགས་མངོན་འགྱུར་ཤོག། ཏདྱ་ཐཿ པཉྩ་ཌི་ཡ་ཨ་ཝ་བོ་དྷ་ན་ཡེ་སྭཱཧཱཿམངྒ་ལཾ།།༼མཆན། འབྲུག་པ་སངས་རྒྱས་ཀུན་འདུས་སམ་ཀུན་པས་གསུངས༽

མི་ཡུལ་གྱི་ཐེག་དགུའི་མཁའ་འགྲོ།།ན་མོ་གུ་རུ་དྷེ་ཝ་ཌཱ་ཀི་ནི་ཡེ།།༼༡༽ཉན་ཐོས་མཁའ་འགྲོ་དགྲ་བཅོམ་ཟག་པ་ཟད།།རང་རྒྱལ་མཁའ་འགྲོ་འགོག་པར་མཉམ་པར་བཞགས།།བྱང་སེམས་མཁའ་འགྲོ་འགྲོ་དོན་ཁོ་ནར་མཛད།།ཀྲི་ཡའི་མཁའ་འགྲོ་གཙང་སྦྲ་རྣམ་པར་དག།༼༢༽ཨུ་པའི་མཁའ་འགྲོ་ཆོ་ག་ཕྱི་ནང་ལྡན།།ཡོ་གའི་མཁའ་འགྲོ་དམ་ཚིག་རྡོ་རྗེའི་དཔལ།།མ་ཧཱའི་མཁའ་འགྲོ་བསྐྱེད་རིམ་རབ་ཏུ་གསལ།།ཨ་ནུའི་མཁའ་འགྲོ་རྫོགས་རིན་ལས་རུང་རྒྱས།།༼༢༽ཨ་ཏིའི་མཁའ་འགྲོ་རྫོགས་པ་ཆེན་པོར་རྫོགས།།ཐེག་དགུའི་མཁའ་འགྲོའི་ཚོགས་ལ་ཕྱག་འཚལ་ལོ།།ཨེ་ཝཾ་ཡེ་ཤེས་རང་གྲོལ་བདེན་དོན་རྟོགས།།བསྟན་འགྲོའི་དོན་ཆེན་བདེ་མྱུར་ལྷུན་གྲུབ་ཤོག།ཅེས་པ་རབ་གནས་ས་ཕག་སྣྲོན་ཟླའི་མཁའ་འགྲོ་འདུ་བའི་དུས་ཆེན་ལ་རང་སྣང་གང་ཤར་གླུ་རུ་ལེན་པར་མཁས་པའི་ཤྲཱིཿསྨྱོན་ཨེ་མ་ཧོས་ད་བཞུགས་རང་གི་དད་གུས་ཐོབ་པའི་མཁའ་འགྲོ་དག་དྲན་པའི་མོད་ལ་གང་ཤར་དུ་སྦས་གསང་མེད་པར་ཨེ་ཝཾ་མཁའ་འགྲོ་གླིང་ནས་བགྱིས་པར་དགེའོ།། །།

ང་ཕུང་གསུམ་དམ་ཆོས་རྒྱལ་པོ་ཡིན།ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།༼༡༽ཡེ་གྲོལ་གདོད་མའི་མགོན་པོ་ཀུན་ཏུ་བཟང་།།རང་གྲོལ་རྒྱལ་བ་རིགས་ལྔའི་ཁྱབ་བདག་རྗེ།།མྱོང་གྲོལ་བདེ་ཆེན་དཔལ་དགྱེས་རྡོ་རྗེ་འཆང་།།ངའི་ཕུང་པོ་སྐུ་གསུམ་སྐྱབས་མགོན་ཡིན།།༼༢༽མཁྱེན་རབ་དབང་ཕྱུག་འཇམ་དཔལ་གཞོན་ནུའི་ཐུགས།།བརྩེ་ཆེན་བདག་ཉིད་ཕྱག་ན་པད་དཀར་གསུང་།།ནུས་པའི་མཐུ་སྟོབས་ལག་ན་རྡོ་རྗེའི་སྐུ།།ངའི་ཕུང་པོ་རིགས་གསུམ་མགོན་པོ་ཡིན།།༼༣༽ལུས་ཆོས་གོས་རྣམ་གསུམ་སྐུ་ལ་མཛེས།།ངག་སྡེ་སྣོད་ཆོས་སྒྲ་ཕྱོགས་ཀུན་བསྒྲགས།།སེམས་བསླབ་གསུམ་ལྡན་པའི་རིན་པོ་ཆེ།།ང་ཕུང་གསུམ་མཁན་ཆེན་བླ་མ་ཡིན།།༼༤༽སྤྱི་བོར་ཉི་ཁྲི་ཆིག་སྟོང་མཁའ་འགྲོས་རྒྱན།།མགྲིན་པར་བརྒྱད་ཁྲི་བཞི་སྟོང་ཆོས་སྒྲ་སྒྲོག།ཐུགས་ཀར་གྲངས་མེད་སངས་རྒྱས་ཡེ་ཤེས་རྒྱས།།ང་མཆོག་གསུམ་དཔལ་དགྱེས་རྡོ་རྗེ་ཡིན།།༼༥༽བདག་འཛིན་རྩ་བར་བཅད་པའི་ཧེ་རུ་ཀ།ཕན་བདེའི་ལེགས་ཚོགས་བསྐྲུན་པའི་ཨེ་མ་ཧོ།།བསྟན་འགྲོའི་དོན་ཆེན་སྒྲུབ་མཁས་ཤྲཱིཿསྨྱོན་པ།།ང་ཕུང་གསུམ་དགེ་ལེགས་ཡར་འཕེལ་ཡིན།།རུལ་སྤྲུལ་ངོར་ཤྲཱིཿཨེ་མ་ཧོས་ཨེ་ཝཾ་ཀུན་བཟང་དུར་ཁྲོད་ནས་བགྱིས་པར་དགེའོ།།

ཨོ་རྒྱན་སྒྲོལ་མའི་ཞལ་གདམས་ཡིད་བཞིན་ནོར་བུའི་གའུ།The Wish-Fulfilling Reliquary Box: Advice from Orgyen Drölma (the Mother of Khenchen Lama Pelgyeypa Dorjé Rinpoché) by Orgyen Drölma (o rgyan sgrol ma) Tibetan title: o rgyan sgrol ma’i zhal gdams yid bzhin nor bu’i ga’u Translated from the Tibetan…

ཨ་མ་མ་ལོ།ཨ་མ་དག་པའི་ཞིང་དུ་ཕེབས་ན་ཡང་།།ཨ་མ་མ་བརྗེད་ཨ་མའི་བུ་ང་ཡིས།།ཨ་མ་དགྱེས་པའི་དུས་འཁོར་རི་ཁྲོད་དུ།།ཨ་མའི་སྐུ་གདུང་འཛམ་གླིང་རྒྱན་ཏུ་བཞུགས།།

དོན་སྙིང་ལྡན་པའི་ཨ་རིར་རྒྱུ་འགྲུལ།བདུན་ཕྲག་དྲུགི་རིང་ལ་བྱང་ཕྱོགས་ཨ་རིའི་ཕྱོགས་སུ་ཆོས་ཕྱོགས་ཀྱི་བྱ་བ་ཚང་མ་ལེགས་གྲུབ་ངང་བདེ་འཚམས་ངང་དུ་ཕ་ཡུལ་གཉིས་པ་དབྱིན་ཡུལ་དུ་བདེ་འཚམས་ངང་འབྱོར་ཟིན། ངས་ཞུ་འདོད་པ་ལ་ཞིག་ལ་ཨེ་ཝཾ་སངས་རྒྱས་སྐྱེད་ཚལ་དང་། ཨེ་ཝཾ་ནང་བསྟན་སློབ་གླིང་དང་། ཨེ་ཝཾ་བོད་སྙིང་ཆོས་ཚོགས་སོགས་ལས་བླ་སློབ་ཡོངས་དང་། དམིགས་བསལ་དུ་༧སྐྱབས་རྗེ་དམ་པ་སྒོ་ཆེན་མཆོག་སྤྲུལ་གསང་སྔགས་བསྟན་འཛིན་དང་མཁན་པོ་གནམ་ལྕགས་རྡོ་རྗེ་དང་མཁན་པོ་ངག་དབང་དགེ་ལེགས་དང་མཁན་པོ་དྲི་མེད་ཟླ་བ་བ་དང་ཀུན་བཟང་ཆོས་སྒྲོན་དང་ཀརྨ་ཆོས་སྒྲོན་དང་། ཁྱད་པར་དུ་རྗེ་བཙུན་མ་འཇམ་དབྱངས་དཔལ་མོ་དང་སྲས་མོ་སངས་རྒྱས་སོགས་ཆོས་དང་འཇིག་རྟེན་ལ་རོགས་དན་གནང་བའི་ཆོས་མཆེད་རྡོ་རྗེ་མཆེད་པོ་ཡོངས་ལ་སྙིང་བས་བཀའ་དྲིན་ཆེ་ཞུ་དང་། ནམ་ཡང་བརྗེད་དུ་དབེན་པའི་བདག་སྐྱོང་དང་བརྩེ་སེམས་དད་གུས་ལ་སེམས་ཁུངས་ནས་རེ་འབྲས་ཡིད་བཞིན་འགྲུབ་པའི་སྨོན་ལམ་དང་། སྐྱེ་ཀུན་བསྟན་འགྲོའི་དོན་ཀུན་བདེ་མྱུར་འགྲུབ་པའི་སྨོན་འདུན་དམ་གསོལ་མཐུན་འགྱུར་བཀྲ་ཤིས་བདེ་ལེགས་བཅས་དབྱིན་ཡུལ་རྒྱལ་སྤྱིའི་མན་ཆི་སི་ཏྲར་གནམ་ཐང་ནས་ཨེ་མ་ཧོས་མྱུར་བྲིས་བགྱིས་པར་དགེའོ།།