༧སྒྲུབ་དཔོན་དམ་པ་ངག་དབང་རྡོ་རྗེ་མྱུར་བྱོན་གསོལ་འདེབས་མ་ལི་ཀའི་ཕྲེང་བ་ཞེས་བྱ་བ།ན་མོ་གུ་རུ་རཏྣ་ཏྲ་ཡཱ་ཡ།།ངག་དབང་ཡེ་ཤེས་དམ་པའི་རང་གཟུགས་ཉིད།།ཚེ་དང་སྒྲུབ་པའི་དཔག་བསམ་ལྗོན་བཟང་བརྟས།།ཡང་གསང་བསྟན་ལ་སྨན་པའི་རྡོ་རྗེ་འཛིན།།སྒྲུབ་དཔོན་དམ་པ་ཡང་སྤྲུལ་མྱུར་འབྱོན་གསོལ།།གནུབས་ཆེན་སངས་རྒྱས་དམ་པའི་བཀའ་མ་དང་།།གཏེར་ཆེན་གནམ་ལྕགས་གླིང་བའི་གཏེར་མ་ལ།།ཨེ་ཝཾ་ཚེ་དང་སྒྲུབ་པའི་རྣལ་འབྱོར་བ།།ངག་དབང་ཡེ་ཤེས་རྡོ་རྗེ་མྱུར་བྱོན་གསོལ།།ཐུགས་དམ་བདེ་ཆེན་བཙན་ས་ཟིན་པའི་ཕྱིར།།ངེས་དོན་ཆོས་ཀྱི་སྒྲུབ་དཔོན་རིན་པོ་ཆེ།།བཀའ་གཏེར་བསྟན་པ་འཛིན་སྐྱོང་སྤེལ་བའི་ཕྱིར།།རྣལ་འབྱོར་ཉི་གཞོན་གསར་བ་མྱུར་ཕེབས་ཤོག།།དུས་བཞི་འཕོ་འགྱུར་བྲལ་བ་ཀ་དག་ཟླ།།འོད་གསལ་ཡེ་ཤེས་ལྷུན་གྲུབ་ཉི་མ་ལ།།ཀུན་ཕན་སྒྲུབ་དཔོན་ཡིད་བཞིན་ནོར་བུ་ཉིད།།རྫོགས་ཆེན་བསྟན་པ་སྤེལ་ཕྱིར་མྱུར་བྱོན་གསོལ།།ཞེས་པ་འདི་ཡང་རབ་གནས་ལྕགས་བྱི་དབོ་ཟླའི་དབང་ཕྱོགས་དགའ་བ་དང་པོར་རྨི་ལམ་ནང་ནས་རིན་པོ་ཆེས་དད་སྐུལ་ལས་གང་ཤར་དུ་དབྱིན་ཡུལ་ཨེ་ཝཾ་རྫོགས་ཆེན་ཆོས་སྒར་ནས་མཁན་ཆེན་བླ་མ་དཔལ་དགྱེས་པ་རྡོ་རྗེ་རུ་འབོད་པས་གསོལ་བ་འདེབས་པར་དེ་དེ་བཞིན་དུ་འགྲུབ་པར་གྱུར་ཅིག་གུ།།

༄༅།།ཨོ་རྒྱན་གུ་རུ་རིན་པོ་ཆེའི་གསོལ་འདེབས་ཙིཏྟ་མ་ཎིའི་མགུལ་རྒྱན།།Orgyen Guru Rinpoche’s prayer: “Necklace of Wish-Fulfilling Jewells “.ཨེ་མ་ཧོ༔ སྣང་སྲིད་རྣམ་དག་ཟངས་མདོག་དཔལ་རི་ནས༔EMAHO / NANGSI NAMTAK ZANGDOK PALRI NÉIn the Glorious Copper-Coloured Mountain Pure Land,pristine pure nature of appearance and existence,རྒྱལ་བ་ཀུན་འདུས་གུ་རུ་པདྨ་འབྱུང་༔GYALWA KÜNDÜ GURU PEMA JUNGTo Padmasambhava, who is embodiment of all Victorious,གསོལ་བ་འདེབས་སོ་འགྲོ་ཀུན་སྡུག་བསྔལ་སོལ༔SOLWA DEP…

དཔྱིད་དཔལ་བཞད་པའི་འཇའ་ཟེར།།ཨ་ཧོ་ཡ།།ཨ་མ་ནོར་འཛིན་སྒེག་མོའི་ལྟེ་བ་རུ།།སྔོ་ལྗང་ལོ་འདབ་བཀྲ་བའི་ནགས་ཀླུང་དུ།།རྩི་ཤིང་མེ་ཏོག་བཀྲ་པའི་དྲི་ཞིམ་ཁྲོད།།གཡུ་སྦྲང་བྱེ་ལབ་ཚོགས་དང་མཉམ་དུ་རྩེད།།ཡར་ལ་བལྟས་ན་མཁའ་དབྱིངས་འཇའ་འོད་ཀློང་།།རྟ་བདུན་དབང་པོ་གཟི་མདངས་ལྷག་པར་མངོན།།དྲོད་བཅུད་སྣང་བ་སྦྱིན་པའི་ལྷ་བུ་ལ།།བཀའ་དྲིན་གསོས་ཕྱིར་ཐོད་རྒལ་རྟོགས་འབུལ་མཆིས།།བར་སྣང་དྲོ་གྲང་མཉམ་པའི་བར་གསེང་དུ།།མཁའ་དབུགས་གཙང་པ་དག་པའི་ཞིང་དང་མཚུངས།།ཀུན་བཟང་བདེ་དགའ་གནང་བའི་གུང་སངས་སྐབས།།ནུབ་ཕྱོགས་བྱ་སྒོང་རོལ་བའི་དགའ་སྟོན་ཚེས།།དཔྱིད་དཔལ་ཁྱིམ་ནས་རོལ་བའི་དགའ་སྐྱིད་ལ།།དབྱར་དུས་བདེ་ཆེན་དགའ་བའི་གླུ་བྲོ་ཉིད།།སྟོན་བཟང་འབྲས་སྨིན་རྟེན་འབྲེལ་དགེ་ལེགས་དཔལ།།དགུན་འཁྱག་དྲོ་བའི་སྨོན་ལམ་མཐའ་རུ་ཕྱིན།།ཨེ་མ་ཧོས་ཨེ་ཝྃ་རྫོགས་ཆེན་ཆོས་སྒར་ནས་སྤྱི་ལོ་༢༠༡༠/༤/༡༡་ལའོ།། །།

ནད་བཟློག་བསྐལ་བའི་མེ་དཔུང་རབ་འབར།།ཧཱུཾ་ཧཱུཾ་ཧཱུཾ།།བདེ་ཆེན་དབང་དྲག་འབར་བའི་མེ་ཀློང་ནས།།ནད་གདོན་རྡུལ་ཕུང་མ་ལུས་བསྲེག་མཛད་མ།།རྒྱལ་ཀུན་དཔལ་མོ་སེངྒེའི་གདོང་ཅན་མས།།ནད་ངན་རྒྱུ་དང་བཅས་པ་དབྱིངས་སུ་བཟློག།རྒྱལ་བ་ཀུན་འདུས་ཨོ་རྒྱན་རྡོ་རྗེ་འཆང་།།ཡི་དམ་ཀུན་རྒྱལ་གུ་རུ་དྲག་པོའི་དཔལ།།མཁའ་འགྲོ་རྒྱལ་མོ་སེང་གདོང་དྲག་མོ་དང་།།ཆོས་སྐྱོང་དྲག་པོས་ནད་གདོན་ད་སྒྲོལ་ཅིག།མ་མོའི་དལ་ཡམ་བཟློག་མཛད་དྲག་པོའི་ཚོགས།།དྲག་རྩལ་མཐུ་སྟོབས་ངོམས་པའི་དུས་ལ་བབས།།ཁྱད་པར་བྱ་ཁྱུང་དྲག་པོ་གྷ་རུ་ཌཱས།།ནད་གདོན་རྡུལ་ཕུང་བསྲེག་པའི་ཕྲིན་ལས་མཛོད།།ཕྱི་ཕུང་རྡུལ་ནད་མེ་ཆུས་ནང་དུ་བསྲེགས།།ནང་སེམས་རྣམ་རྟོག་ཞི་ལྷག་ངང་དུ་དེངས།།གསང་སྔགས་ཚུལ་བཞིན་སྒྲུབ་པའི་དམ་ཚིག་ལས།།ཡང་གསང་ཕྱོགས་ལས་རྣམ་པར་རྒྱལ་གྱུར་ཅིག།སྣང་བ་དག་པ་ལྷ་ཡི་ཞིང་ཁམས་མཇལ།།སྲིད་པའི་ལོངས་སྤྱོད་རིག་པའི་རྒྱན་དུ་ཤར།།སྣང་སྲིད་ཀུན་བཟང་སྒྱུ་འཕྲུལ་དྲཱ་བར་རྫོགས།།འགྲོ་ཀུན་སྨིན་གྲོལ་རྒྱལ་བའི་སྐུ་ཐོབ་ཤོག།ཅེས་པ་འདི་ཡང་རབ་གནས་ལྕགས་བྱིའི་དབོ་ཟླའི་དབང་ཚེས་རྒྱལ་བ་དང་པོར་དབྱིན་ཡུལ་ནས་ཉི་མ་རེ་བཞིན་མི་གྲངས་སྟོང་ཕྲག་རེ་ཀོ་རོ་ནས་འཆི་རྐྱེན་མཐོང་བའི་མོད་ལ་རྩ་གསུམ་ཆོས་སྐྱོང་ལ་ར་མདའ་སྒྲོན་པའི་དྲག་བསྐུལ་ནད་བཟློག་གི་ཆེད་དུ་ཤྲཱིཿསྨྱོན་ཨེ་མ་ཧོས་གུ་རུའི་ཐུན་མཚམས་ན་གསོལ་བ་འདེབས་པར་དགེའོ།། །།

རིག་འཛིན་བརྒྱད་ཀྱི་གསོལ་འདེབས་ཨེ་ཝྃ་ཀུན་གསལ།།ན་མོ་མ་ཧཱ་གུ་རུ་བུདྡྷ་ཛྙཱ་ན་ཡེ།།ཀ་དག་ཆོས་སྐུའི་ངོ་བོ་ཀུན་ཏུ་བཟང་།།ལྷུན་གྲུབ་ལོངས་སྐུའི་རང་བཞིན་རྡོ་རྗེ་སེམས།།སྣ་ཚོགས་སྤྲུལ་སྐུའི་ཐུགས་རྗེ་པདྨ་འབྱུང་།།རིག་འཛིན་དྲག་སྔགས་གླིང་པར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ཤར་ཕྱོགས་དུར་ཁྲོད་བསིལ་བ་ཚལ་གྱི་གནས།།ཡང་དག་ཐུགས་ཀྱི་གཏེར་ལ་དབང་འབྱོར་ནས།།གཉུག་སེམས་ཞི་བདེ་རྡོ་རྗེས་གྲུབ་བརྙེས་པ།།རིག་འཛིན་ཧཱུྃ་ཆེན་ཀཱ་རར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ནུབ་ཕྱོགས་དུར་ཁྲོད་ཀུ་ལ་རྫོགས་པའི་གནས།།འཇམ་དཔལ་སྐུ་ཡི་གཏེར་ལ་དབང་འབྱོར་ནས།།ཀུན་བྱེད་ཡིད་བཞིན་ནོར་བུའི་གྲུབ་བརྙེས་པ།།རིག་འཛིན་འཇམ་དཔལ་བཤེས་གཉེན་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ནུབ་ཕྱོགས་དུར་ཁྲོད་པདྨ་བརྩེགས་པའི་གནས།།པདྨ་གསུང་གི་གཏེར་ལ་དབང་འབྱོར་ནས།།སྣང་སྲིད་དབང་དུ་བསྡུད་པའི་གྲུབ་བརྙེས་པ།།རིག་འཛིན་ཀླུ་སྒྲུབ་སྙིང་པོར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།བྱང་ཕྱོགས་དུར་ཁྲོད་ལངྐ་བརྩེགས་པའི་གནས།།ཕུར་པ་འཕྲིན་ལས་གཏེར་ལ་དབང་འབྱོར་ནས།།ཁམས་གསུམ་ཡོངས་སུ་སྒྲོལ་བའི་གྲུབ་བརྙེས་པ།།རིག་འཛིན་པྲ་བྷ་ཧསྟིར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ཤར་ལྷོར་དུར་ཁྲོད་ལྷུན་གྲུབ་བརྩེགས་པའི་གནས།།རྦོད་གཏོང་མ་མོའི་གཏེར་ལ་དབང་འབྱོར་ནས།།བདེ་ཆེན་ལང་ཚོ་རྒྱས་པའི་གྲུབ་བརྙེས་པ།།རིག་འཛིན་དྷ་ན་སངཀྲྀར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ལྷོ་ནུབ་དུར་ཁྲོད་གསང་ཆེན་རོལ་བའི་གནས།།ཡོན་ཏན་བདུད་རྩིའི་གཏེར་ལ་དབང་འབྱོར་ནས།།འཕོ་ཆེན་འཇའ་ལུས་མཆོག་གི་གྲུབ་བརྙེས་པ།།རིག་འཛིན་བི་མ་མི་ཏྲར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།ནུབ་བྱང་དུར་ཁྲོད་ཧེ་ཆེན་བརྡལ་བའི་གནས།།འཇིག་རྟེན་མཆོད་བསྟོད་གཏེར་ལ་དབང་འབྱོར་ནས།།བདུད་སྡེའི་གཡུལ་ལས་རྒྱལ་བའི་གྲུབ་བརྙེས་པ།།རིག་འཛིན་རམ་བུ་གུ་ཧྱར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།བྱང་ཤར་དུར་ཁྲོད་འཇིག་རྟེན་བརྩེགས་པའི་གནས།།དྲག་སྔགས་དམོད་པའི་གཏེར་ལ་དབང་འབྱོར་ནས།།ཕས་རྒོལ་མ་ལུས་འཇོམས་པའི་གྲུབ་བརྙེས་པ།།རིག་འཛིན་ཤིནྟིྃ་གརྦྷར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།འོག་མིན་དུར་ཁྲོད་མེ་རི་འབར་བའི་གནས།།ཆོས་ཀུན་སྒྲུབ་རྒྱུད་གཏེར་ལ་དབང་འབྱོར་ནས།།གདོད་མའི་ཀུན་བཟང་སངས་རྒྱས་གྲུབ་བརྙེས་པ།།རིག་འཛིན་པདྨ་ཀ་རར་གསོལ་བ་འདེབས།།ཨེ་ཝྃ་ཡེ་ཤེས་གྲུབ་པ་མཐར་ཕྱིན་ཤོག།སྒོ་གསུམ་རྒྱལ་བའི་ཞིང་ཁམས་རྣམ་པར་དག།སྐུ་གསུམ་ཡོན་ཏན་ཕྲིན་ལས་རབ་ཏུ་རྫོགས།།ཁམས་གསུམ་འགྲོ་ཀུན་མ་ལུས་ཡོངས་སུ་སྨིན།།མཆོག་གསུམ་རྒྱལ་བའི་གོ་འཕང་མྱུར་ཐོབ་ཤོག།ཅེས་པ་འདི་ཡང་རབ་གནས་འབྱུང་བ་ལྔ་ལྡན་ལྕགས་བྱིའི་དབོ་ཟླ་བའི་དབང་ཕྱོགས་རྒྱལ་བ་དང་པོར་གཏེར་ཆེན་དྲག་སྔགས་གླིང་པའི་ཡང་སྲིད་རིག་འཛིན་ནམ་མཁའ་རྒྱ་མཚོ་རིན་པོ་ཆེ་དང་མཁན་པོ་ཨེ་ཝྃ་རིག་པས་གསུང་བསྐུལ་དང་། འཕགས་བོད་ཀྱི་རིག་འཛིན་ཡོངས་ལ་མི་ཕྱེད་པའི་དད་གུས་ཅན། རྒྱལ་ཁམས་པ་ཨེ་མ་ཧོས་རིག་འཛིན་དགུ་ཡི་མཚན་ཉིད་དབྱིན་ཡིག་གི་༼ Eight Vidyadharas. Manjushrimitra, Nagarjuna, Hungkara,Vimalamitra,Prabhahasti, Dhana Sanskrita, Shintam Garbha, Guhyachandra༽ མཚན་ཙམ་ལ་བརྟེན་ནས་གང་ཤར་ཐོལ་བྱུང་དུ་ཤར་བ་ལ་བཅོས་བསྒྱུར་མེད་པར་ཨེ་ཝྃ་རྫོགས་ཆེན་ཆོས་སྒར་ནས་གསོལ་བ་བཏབས་པས་སྔ་འགྱུར་རིག་འཛིན་རྒྱལ་བའི་བསྟན་པ་རྒྱས་པའི་རྒྱུ་རུ་གྱུར་ཅིག་གུ། སརྦ་ཤྲཱིཿམངྒ་ལྃ་བི་ཛ་ཡནྟུ།།

ཐུགས་རྗེ་ཆེན་པོའི་ཡེ་གེ་དྲུག་པའི་གསོལ་འདེབས་བྱིན་རླབས་མྱུར་འགྱོགས་ཞེས་བྱ་བ་བཞུགས། ན་མོ་གུ་རུ་ལོ་ཀི་ཤཱ་ར་ཡ། །ཇོ་བོ་ཐུགས་རྗེ་ཆེན་པོ་ལ་ཕྱག་འཚལ་ལོ། ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།མགོན་སྤྱན་རས་གཟིགས་ལ་སྐྱབས་སུ་མཆི། །མ་འགྲོ་དྲུག་དོན་དུ་བྱང་སེམས་བསྐྱེད། །བྱམས་སྙིང་རྗེ་དགའ་བ་བཏང་སྙོམས་བསྒོམ། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། དབྱིངས་ཏིང་འཛིན་གསལ་བའི་ཆོ་འཕྲུལ་ལས། ། དཔལ་ཀུན་ཏུ་བཟང་པོ་མཆོད་པའི་སྤྲིན། །ཡུལ་མཁའ་ཁྱབ་རྒྱུན་མི་ཆད་པར་འབྱུང་། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཆོས་ཐམས་ཅད་སྟོང་པ་ཉིད་ཀྱི་ངང་། ། གནས་ཡུལ་ཀུན་རི་བོ་པོ་ཏ་ལའི། །ཞིང་གཞལ་ཡས་ཁང་བཅས་གསལ་ལ་རྫོགས། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ། དེ་དབུས་སུ་རང་ཉིད་སྤྱན་རས་གཟིགས། ། སྐུ་དཀར་གསལ་འོད་ཟེར་འབུམ་ཕྲག་འཕྲོ། །མཚན་དཔེ་བྱེད་ཞི་འཛུམ་སྒེགཔའི་ཉམས། ། ལྷ་ཐུགས་རྗེ་ཆེན་པོར་གསོལ་བ་འདེབས། །ཨོཾ་མ་ཎི་པདྨེ་ཧཱུཾ། ཨོཾ་མ་ཎི་པདྨེ་ཧཱུཾ།…