གུ་རུའི་གསོལ་འདེབས་ལྷ་སྔགས་ཕྱག་རྒྱ་མ།།ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ཨོཾ་དབྱིངས་སངས་རྒྱས་ཆོས་སྐུ་ཀུན་ཏུ་བཟང་།།ཨཱཿདབྱངས་དམ་ཆོས་ལོངས་སྐུ་རྡོ་རྗེ་འཆང་།།ཧཱུཾ་བྱིན་དགེ་འདུན་སྤྲུལ་སྐུ་པདྨ་འབྱུང་།།ཀུན་འདུས་བདེ་བཤེགས་ཡིད་བཞིན་ནོར་བུ་མཁྱེན།།བཛྲ་རྡོར་སེམས་མེ་ལོང་ཡེ་ཤེས་གསལ།།གུ་རུ་རིན་འབྱུང་མཉམ་ཉིད་ཡེ་ཤེས་གསལ།།པདྨ་སྣང་མཐའ་སོར་རྟོགས་ཡེ་ཤེས་གསལ།།སིདྡྷི་དོན་གྲུབ་བྱ་གྲུབ་ཡེ་ཤེས་གསལ།།ཧཱུཾ་ཉིད་རྣམ་སྣང་ཆོས་དབྱིངས་ཡེ་ཤེས་གསལ།།འོད་གསལ་སྒྱུ་འཕྲུལ་དྲྭ་བའི་སྙིང་པོ་གསལ།།ཀ་དག་སྣང་གྲགས་རིག་པ་ཡེ་ཤེས་ངང་།།ཕྱོགས་དུས་རྒྱལ་ཀུན་རང་གཟུགས་ཨེ་མ་ཧོ།།ཨོཾ་ཨཱཿཧཱུཾ་བཛྲ་གུ་རུ་པདྨ་སིདྡྷི་ཧཱུཾ༔ཅི་ནུས་བཟླས་ཏེ་ཆོས་ཉིད་མཉམ་པའི་ངང་དུ་མཉམ་པར་བཞག་གོཅེས་རབ་གནས་ས་ཕག་ཐ་སྐར་ཟླ་བའི་ཡར་ངོས་ཚེས་བཅུ་ལ་བིརྱ་དྷཱ་ར་སྭ་ར་སྭཱ་སྟི་དེ་ཝིའི་ངོར་ཤྲཱིས་ཨེ་ཝཾ་ཛྙཱ་ན་གུ་རུའི་ལྷ་ཁང་ནས་གུས་པས་ཕུལ་བར་དགེའོ།། །།ཟླ་བ་དགུ་པ་དགུན་ར་ཕག་ཐ་སྐར་ཟླ་བའི་ཚེས་བཅུ་ལ་ཨོ་རྒྱན་གཉིས་པ་བལ་ཡུལ་ཡང་ལེ་ཤོད་དུ་ཕེབས་ཏེ་དཔལ་ཡང་དག་གི་སྒྲུབ་པ་ལ་བཞུགས་ཚེ་བལ་ཡུལ་དང་བོད་ཡུལ་གཉིས་ཀའི་ཆོས་ལ་གནག་པས་མ་རུངས་པའི་ལྷ་འདྲེས་ཏེ་ལྷ་མ་སྲིན་སྡེ་བརྒྱད་ཀྱི་ནད་མུག་སོགས་མི་འདོད་པའི་ཉེ་བར་འཚེ་བས་ཐོ་སྣ་ཚོགས་པ་བརྩམས་པར་བྱས་ཀྱང་དཔལ་རྡོ་རྗེ་གཞོན་ནུའི་སྐུར་བཞེངས་ཏེ་ལྷ་མ་སྲིན་སྡེ་བརྒྱད་ཀྱི་སྲོག་སྙིང་བླངས་ཤིང་བཀའ་དམ་གཉན་པོ་ལ་བཞག་ནས་ཆོས་ཀྱི་བསྲུང་མར་བསྐོས་ཏེ་བར་ཆད་ཐམས་ཅད་ལྷག་མེད་དུ་བསལ་ཞིང་ཕྱག་རྒྱ་ཆེན་པོ་མཆོག་གི་དངོས་གྲུབ་བརྙེས་པའི་ཚུལ་ཡང་ཕུར་གཉིས་ལ་བསྟེན་ཅིང་ཡང་ཕུར་བསྒྲགས་མའི་གདམས་པ་སྐལ་ལྡན་རྣམས་ཀྱི་དཔལ་དུ་སྩལ་བར་མཛད་པས་རྡོ་རྗེ་ཐོད་ཕྲེང་རྩལ་དུ་གྲགས་པའི་དུས་ཆེན་ཏེ་འདིའི་དུས་མཆོད་བཟུང་བ་ལ། གཤིན་རྗེའི་འཁོར་ལོ། མ་མོའི་དལ་ཡམས། འབྱུང་པོའི་རིམས་ནད་ལ་སོགས་པ་དང་། ལྟས་ངན་བརྒྱད་ཅུ་རྩ་གཅིག ཡེ་འདྲོགས་སུམ་བརྒྱ་དྲུག་ཅུ། དུས་མིན་འཆི་བ་རྣམ་བརྒྱད་སོགས་འགལ་རྐྱེན་བར་ཆད་སེལ་ཞིང་ལྷུན་གྲུབ་རིག་འཛིན་གྱི་ས་འཐོབ་པར་འགྱུར་རོ། །༄༅། །ཨོྃ་ཨཱ༔ཧཱུྃ་བཛྲ་གུ་རུ་པདྨ་སིདྡྷི་ཧཱུྃ༔རང་བཞིན་རྣམ་དག་བློ་བྲལ་གཉུག་མའི་སྦུབས༔གསལ་མདངས་འགག་མེད་བདེ་སྟོང་ལོངས་སྐུའི་རྩལ༔སྤྲུལ་སྐུའི་ཞིང་ཁམས་མི་མཇེད་བཀོད་པའི་ཆ༔ཟངས་མདོག་དཔལ་གྱི་རི་བོར་སྐྱེ་བར་ཤོག༔འཛམ་གླིང་ས་ཡི་ལྟེ་བ་རྡོ་རྗེ་གདན༔དུས་གསུམ་རྒྱལ་བས་ཆོས་འཁོར་བསྐོར་བའི་གནས༔དེ་ཡི་ནུབ་བྱང་རྔ་ཡབ་ལང་ཀའི་གླིང༔ཟངས་མདོག་དཔལ་གྱི་རི་བོར་སྐྱེ་བར་ཤོག༔བཀོད་པ་ལྷུན་གྲུབ་ཙིཏྟིའི་ས་འཛིན་སྤོ༔རྩ་བ་གདེངས་ཅན་འཇོག་པོའི་ཐོད་དུ་བཅིངས༔རྐེད་པར་ལུས་མེད་མཁའ་འགྲོས་ཚོགས་འཁོར་བསྐོར༔རྩེ་མོ་གཟུགས་ཁམས་བསམ་གཏན་སྙོགས་པ་ལྟའི༔ཟངས་མདོག་དཔལ་གྱི་རི་བོར་སྐྱེ་བར་ཤོག༔རི་རྒྱལ་དེ་ཡི་རྩེ་མོའི་གཞལ་མེད་ཁང༔ཤར་ཤེལ་ལྷོ་ཕྱོགས་དབང་སྔོན་བེེཌུརྱ༔ནུབ་ཕྱོགས་པད་རག་བྱང་ཕྱོགས་ཨིནྡྲ་ནི༔ཕྱི་ནང་བར་མེད་ཟང་ཐལ་དབང་གཞུའི་མདངས༔ཟངས་མདོག་དཔལ་གྱི་རི་བོར་སྐྱེ་བར་ཤོག༔ཁྱམས་དང་གྲུ་ཆད་གློ་འབུར་འཇའ་རིས་འཁྱིལ༔འདོད་སྣམ་ཕ་གུ་དྲ་བ་དྲ་ཕྱེད་དང༔ཤར་བུ་མདའ་ཡབ་སྒོ་རྒྱན་རྟ་བབ་ཅན༔ཆོས་འཁོར་གདུགས་དོན་བརྡ་དོན་རྟགས་རྫོགས་པའི༔ཟངས་མདོག་དཔལ་གྱི་རི་བོར་སྐྱེ་བར་ཤོག༔དཔག་བསམ་ལྗོན་པའི་ཤིང་དང་བདུད་རྩིའི་ཆུ༔ནེའུ་སེང་སྨན་ལྗོངས་དྲི་བསུང་འཐུལ་བའི་ཁྲོད༔དྲང་སྲོང་རིག་འཛིན་བྱ་ཚོགས་བྷྲ་མ་ར༔ཐེག་གསུམ་ཆོས་ཀྱི་སྒྲ་དང་བརྡ་གླུ་སྒྱུར༔ཟངས་མདོག་དཔལ་གྱི་རི་བོར་སྐྱེ་བར་ཤོག༔ཕོ་བྲང་གཞལ་མེད་ཆེན་པོའི་ལྟེ་བ་ལ༔རིན་ཆེན་ཟུར་བརྒྱད་པདྨ་ཉི་ཟླའི་སྟེང༔བདེ་གཤེགས་ཀུན་འདུས་རང་བྱུང་པདྨ་འབྱུང༔སྐུ་གསུམ་རིག་འདུས་འཇའ་འོད་ཀློང་ན་བཞུགས༔ཟངས་མདོག་དཔལ་གྱི་རི་བོར་སྐྱེ་བར་ཤོག༔གང་གི་ཟབ་གསལ་བདེ་ཆེན་ཡེ་ཤེས་རྩལ༔སྟོང་ཉིད་སྙིང་རྗེར་ཤར་བའི་སྒྱུ་འཕྲུལ་ལས༔ཕྱོགས་བཅུ་ཀུན་དང་ཁྱད་པར་བོད་ཡུལ་དུ༔སྤྲུལ་བ་བྱེ་བ་ཕྲག་བརྒྱ་བར་མེད་འགྱེད༔ཟངས་མདོག་དཔལ་གྱི་རི་བོར་སྐྱེ་བར་ཤོག༔གཡས་ཀྱི་གྲལ་ན་རྒྱ་བོད་རིག་འཛིན་རྣམས༔འོད་གསལ་རྡོ་རྗེའི་རོལ་མོར་འབྱམས་སུ་ཀླས༔གཡོན་གྱི་གྲལ་ན་འཕགས་བོད་པཎ་གྲུབ་རྣམས༔བཤད་སྒྲུབ་ཉམས་རྟོགས་བགྲོ་གླེང་ཆོས་སྒྲ་འུར༔ཟངས་མདོག་དཔལ་གྱི་རི་བོར་སྐྱེ་བར་ཤོག༔མཐའ་སྐོར་བར་མཚམས་བར་མཚམས་རྗེ་འབངས་ཉེར་ལྔ་དང༔སྤྲུལ་པའི་གཏེར་སྟོན་གྲུབ་པའི་ཁྱུ་མཆོག་རྣམས༔ཐེག་པ་རིམ་དགུའི་འཁོར་ལོ་ལ་སྤྱོད་ཅིང༔གཡོ་མེད་དགོངས་པའི་གཟེར་གྱི་བརྟུལ་ཞུགས་འཛིན༔ཟངས་མདོག་དཔལ་གྱི་རི་བོར་སྐྱེ་བར་ཤོག༔ཕྱོགས་བཞི་མཚམས་བརྒྱད་གྲུ་ཆད་བར་ཁྱམས་ཀུན༔དཔའ་བོ་ཌཱ་ཀི་ལྷ་དང་ལྷ་མོས་ཁེངས༔རྡོ་རྗེའི་གླུ་གར་མིག་འཕྲུལ་ལྟ་བུར་གཡོ༔ཕྱི་ནང་གསང་བའི་མཆོད་སྤྲིན་སྟོབ་པར་བྱེད༔ཟངས་མདོག་དཔལ་གྱི་རི་བོར་སྐྱེ་བར་ཤོག༔དེ་སྟེང་ལོངས་སྐུའི་གཞལ་མེད་བཀོད་མཛེས་ནང༔ཕྱག་པ་པདྨ་འཇིག་རྟེན་དབང་ཕྱུག་ལ༔ཚོམ་བུའི་དཀྱིལ་འཁོར་བསམ་ཡས་འཁོར་གྱིས་བསྐོར༔རྣམ་རྟོག་བག་ཆགས་དགྲ་གདོན་ཐལ་བར་བྱེད༔ཟངས་མདོག་དཔལ་གྱི་རི་བོར་སྐྱེ་བར་ཤོག༔དེ་སྟེང་ཆོས་སྐུའི་ཞིང་ཁམས་ཉམས་དགའ་བར༔གཞི་སྣང་ཡེ་ཤེས་སྙིང་པོ་ཀུན་ཏུ་བཟང༔སྣང་མཐའ་རིག་པའི་འཁོར་ལ་བརྡ་ཆོས་སྟོན༔སྟོན་འཁོར་དགོངས་པ་མཉམ་པའི་ཕྲིན་ལས་ཅན༔ཟངས་མདོག་དཔལ་གྱི་རི་བོར་སྐྱེ་བར་ཤོག༔སྒོ་བཞིར་བཀའ་ཉན་རྒྱལ་པོ་ཆེན་པོ་བཞི༔ཕྱི་ནང་གསང་བའི་ལྷ་སྲིན་སྡེ་བརྒྱད་ཀུན༔ཕོ་ཉར་མངགས་ནས་མུ་སྟེགས་དམ་སྲི་འདུལ༔དམ་ཅན་རྒྱ་མཚོ་དཔའ་རྟགས་རྒྱལ་རྔ་རྡུང༔ཟངས་མདོག་དཔལ་གྱི་རི་བོར་སྐྱེ་བར་ཤོག༔དེ་ལྟར་ཞིང་གི་བཀོད་པ་གསལ་བཏབ་ནས༔ཕྱི་རོལ་ཡུལ་གྱི་ཟངས་མདོག་དཔལ་རི་ལ༔ཡུལ་ཅན་ནང་གི་རིག་པས་སྨོན་དེའི་མཐུས༔རང་ལུས་མི་མཇེད་ཞིང་གི་བཀོད་པའི་ནང༔རང་སྣང་ཟངས་མདོག་དཔལ་རིར་མངོན་པར་ཤོག༔ཁྱད་པར་བསྐྱེད་རྫོགས་ཟབ་མོའི་རྟེན་འབྲེལ་གྱིས༔རྩ་གསུམ་འཁོར་ལྔའི་མདུད་པ་གྲོལ་ནས་ཀྱང༔སྙིང་དབུས་ཟངས་མདོག་དཔལ་རིའི་ཕོ་བྲང་ཆེར༔ལྷན་སྐྱེས་ཡེ་ཤེས་རོལ་བའི་རྩལ་རྫོགས་ནས༔རང་རིག་པད་འབྱུང་རྗེ་དང་མཇལ་བར་ཤོག༔ཚོགས་སྦྱོར་མཐོང་སྒོམ་མི་སློབ་ལམ་ལྔའི་སྦུབས༔རབ་དགའ་ནས་བཟུང་ཀུན་ཏུ་འོད་ཀྱི་བར༔དེ་ལས་རྡོ་རྗེ་ཐེག་པའི་ས་མཆོག་གཉིས༔ཁྱད་པར་འོད་གསལ་རྫོགས་པ་ཆེན་པོ་ཡི༔ཐུན་མོང་མ་ཡིན་ཡེ་ཤེས་བླ་མའི་ས༔བྱར་མེད་ལྷུག་པའི་ངང་དུ་རྫོགས་ནས་ཀྱང༔གཞི་དབྱིངས་པདྨ་འོད་དུ་གྲོལ་བར་ཤོག༔གལ་ཏེ་དགོངས་པའི་རྩལ་ཆེན་མ་རྫོགས་ན༔གསོལ་འདེབས་སྨོན་ལམ་དྲག་པོའི་འཕེན་པ་ཡིས༔ནམ་ཞིག་འཆི་བ་བཙན་ཐབས་བྱུང་བའི་ཚེ༔པདྨའི་ཕོ་ཉ་མཁའ་འགྲོ་གར་མཁན་མས༔མངོན་སུམ་ལག་པའི་ཁུ་ཚུར་ནས་བཟུང་སྟེ༔མཁའ་ཆེན་བཟའ་དང་གུ་ཎ་ནཱ་ཐ་ལྟར༔བདག་ཀྱང་པདྨ་འོད་དུ་འཁྲིད་པར་ཤོག༔ཆོས་དབྱིངས་རྣམ་པར་དག་པའི་བདེན་པ་དང༔དཀོན་མཆོག་རྩ་གསུམ་རྒྱ་མཚོའི་ཐུགས་རྗེ་ཡིས༔བདག་གི་སྨོན་པ་ཡིད་བཞིན་འགྲུབ་གྱུར་ནས༔འགྲོ་བ་འདྲེན་པའི་དེད་དཔོན་བྱེད་པར་ཤོག༔ཅེས་པའང་རང་བཞིན་སྤྲུལ་པའི་ཞིང་ཁམས་དང་ཁྱད་པར་མ་མཆིས་པ་རྔ་ཡབ་པདྨ་འོད་ཀྱི་ཞིང་མཆོག་དམ་པར་བགྲོད་པའི་སྨོན་ལམ་དཔལ་རིའི་གསང་ལམ་ཞེས་བྱ་བ༔ སྙན་བརྒྱུར་རྡོ་རྗེ་བཙུན་མོའི་རྣལ་འབྱོར་བ་དྷརྨཱ་ཀིརྟིའི་བཞེད་སྐོངས་སུ་དཔལ་ཨོ་རྒྱན་ཆོས་ཀྱི་རྒྱལ་པོ་ཡབ་ཡུམ་གྱི་ཐུགས་རྗེའི་ཟླ་ཟེར་སྙིང་ལ་འཛགས་པའི་བྱིན་རླབས་ལས༔ འོད་གསལ་རྫོགས་པ་ཆེན་པོ་མངོན་སུམ་གྱི་གནད་ལ་གོམས་པའི་རྣལ་འབྱོར་པ་ཧེ་རུ་ཀ༔ པདྨ་དབང་ཆེན་གྱིས་བསམ་ཡས་མཆིམས་ཕུའི་འོག་མིན་མཁའ་འགྲོའི་ཚོགས་ཁང་མེ་ཏོག་གི་མཚམས་མལ་དུ་སྦྱར་བའོ།།

བར་ཆད་ལམ་སེལ་ཞིག །A Dispelling Obstacles from the Path PrayerBy H.H.Khenchen Lama Rinpoche蓮師除障祈請文 – 堪欽喇嘛寧波車ཨེ་མ་ཧོ༔E MA HO奇也哉ཕྱི་ལྟར་གནས་མཆོག་ཟངས་མདོག་དཔལ་རི་ནས།Outwardly, from the supreme abode of the Glorious Copper-Colored Mountain,鄔金淨土銅色吉祥山སྐྱབས་གཅིག་བླ་མ་ཨོ་རྒྱན་པདྨ་འབྱུང་།།The sole refuge is Guru Padmasambhava.皈依至尊蓮花生大士བཟོད་མེད་གདུང་ཤུགས་དྲག་པོས་གསོལ་བ་འདེབས།།I supplicate intensely with unbearably powerful yearning:我今向您猛烈作祈請ཕྱི་ཡི་བར་ཆད་འབྱུང་བཞིའི་གཡོ་འཁྲུག་བཟློགAvert outer obstacles, the disturbances of…

རང་གཤིས་དང་ཉིན་མཚན་གྱི་དུས་ཚོད་དམ་འཛིན།ཨེ་མ་ཧོ།ཨེ་རིག་སངས་རྒྱས་ཐུགས་དང་དབྱེར་མ་མཆིས།།མ་ལུས་འགྲོ་ལ་ཕན་བདེའི་ལམ་སྟོན་དཔལ།།ཨ་ཧོ་དགེ་འདུན་འཕགས་རིགས་དགྱེས་པ་རྩལ།།མཆོག་གསུམ་རྡོ་རྗེ་འཆང་གི་རྟུལ་ཞུགས་རྒྱལ།།ཨེ་སྟོང་ཆོས་སྐུ་གཉུག་མའི་ཡེ་ཤེས་དཔལ།།མ་ལུས་ལོངས་སྐུའི་འོད་གསལ་དགྱེས་པ་ཉིད།།ཨ་ཧོ་སྤྲུལ་སྐུ་རིག་འཛིན་རྡོ་རྗེ་འཆང་།།མཁན་ཆེན་བླ་མས་སྐུ་གསུམ་མངའ་དབང་རྒྱལ།ཨེ་ཀ་ཛ་ཏིས་ཉིན་མཚན་སྐྱོབ་པའི་དཔལ།།མ་གཅིག་གྲུབ་པའི་རྒྱལ་མོ་དགྱེས་པ་རྩལ།།ཧོ་ཐོག་ཐུ་ཆེན་རྡོ་རྗེ་སེམས་དཔའ་ཆེ།།བསླབ་གསུམ་མཛོད་འཛིན་དགེ་ལེགས་ཡར་འཕེལ་རྒྱལ།།ཉིན་མོར་འཆད་སྒོམ་ཆོས་སྤྱོད་ཀུན་ལ་བརྩོན།།མཚན་མོར་འོད་གསལ་ངང་ནས་ཞིང་ཁམས་མཇལ།།ཉིན་མཚན་བར་མེད་ཨེ་ཝཾ་བསྟན་ལ་སྨན།།ཀུན་བཟང་ཨེ་མ་ཧོ་ཞེས་ཡོངས་སུ་གྲགས།།ཤྲཱིས་སོ།།

ལྷག་པའི་ལྷ་མཆོག་སྒྲ་དབྱངས་ལྷ་མོའི་མགུལ་རྒྱན་ཡིད་བཞིན་ནོར་བུ།ན་མོ་གུ་རུ་སྭ་ར་སྭཱ་སྟི་ཡེ།།ཀ་དག་སྤྲོས་བྲལ་ངང་ནས་འོད་གསལ་གྱི་སྐུ་མཆོག།ཁ་དོག་རབ་མཛེས་བུ་མོ་རྒྱལ་ཀུན་གྱི་ཡུམ་ཆེན།།ག་བུར་མདངས་འཛིན་མཁྱེན་རབ་དབང་ཕྱུག་གི་བདག་མོ།།ང་ཡི་སྙིང་གྲོགས་མཁའ་འགྲོའི་གསང་གསུམ་ལ་བསྟོད་དོ།།ཅ་དག་ལོངས་སྐུའི་རྒྱན་དང་པི་ཝཾ་ལ་རོལ་ཅིང་།ཆ་ལུགས་ཀུན་བཟང་དག་གཙང་སྙན་འཇེབས་ལ་དབང་ཕྱིར།།ཇ་ཡུན་ཙམ་ལ་མི་བརྗེད་སྙིང་དབུས་ནས་དྲན་ན།།ཉ་མོ་ཆུ་ལ་གནས་བཞིན་འབྲལ་མེད་དུ་མཛོད་ཅིག།ཏ་ཐཱ་ག་ཏའི་བསྟན་པའི་ནང་དོན་ལ་མཁས་ཤིང་།།ཐ་དག་སྒོ་གསུམ་དད་པའི་བརྩེ་དུང་གིས་བཙུན་པས།།ད་འདས་མ་འོངས་ཕན་བདེའི་ཀུན་བཟང་ཡི་དེད་དཔོན།།ན་མོ་མི་ཕྱེད་དད་པས་དངོས་གྲུབ་རེ་ཞུའོ།།པ་ར་མི་ཏའི་ཕྱིན་བཅུའི་སྤྱོད་པ་ཡི་ལམ་སྟོན།།ཕ་མ་གཉིས་མེད་རྒྱུད་པའི་ཐེག་དགུ་ཡི་ཁྱབ་བདག།བ་གླང་སྨྱོན་པ་བདག་འདྲའི་རྨོངས་སེལ་གྱི་ཉི་མ།།མ་ལུས་དུང་གི་ཟླ་བའི་དགྱེས་ཞལ་དེ་ངོམས་ཤོག།ཙ་རི་གནས་ཡུལ་བདག་པོ་དཔལ་ལྡན་གྱི་ལྷ་མོ།།ཚ་གྲང་སྡུག་ཀུན་སེལ་བའི་གཤིན་རྗེ་ཡི་ཡུམ་ཆེན།།ཛ་ཡའི་མཁྱེན་རབ་བསྩལ་མཁས་སྒྲ་དབྱངས་ཀྱི་ལྷ་མོ།།ཝ་ལེར་སྙིང་གི་སྲས་མོའི་རྣམ་ཐར་ལ་འདུད་དོ།།ཞྭ་དམར་རྣ་རིང་གྱོན་པའི་པཎ་ཆེན་ནི་ལྔ་བརྒྱ།།ཟ་ཧོར་མཁན་སློབ་རྒྱུད་པའི་རྗེ་འབངས་ནི་ཉེར་ལྔ་།།འ་ཅག་རང་རིགས་སྐྱོངབའི་སྒྲོལ་མ་ནི་ཉེར་གཅིགཡ་མཚན་ཀུན་བཟང་རྒྱལ་མོ་སྙིང་དབུས་ན་བཞུགས་ཤིག།ར་བ་གངས་རིའི་བསྐོར་བའི་བསིལ་ལྡན་གྱི་ཞིང་ནས།།ལ་ལུང་ཁྲི་འབུམ་བརྒལ་བའི་ནུབ་ཕྱོགས་ལ་ཆས་ཀྱང་།།ཤ་ཞེན་བརྗེད་ཐབས་བྲལ་བའི་དད་གུས་ལ་བསམས་ཚེ།།ས་ཐོབ་མཁའ་འགྲོ་རྒྱ་མཚོའི་གཅེས་ཕྲུག་ང་སྐྱིད་པ།།ཧ་ཧ་གད་མོའི་དབྱངས་དང་དགྱེས་ཉམས་དང་བཅས་ཏེ།།ཨ་ཧོ་རིག་འཛིན་གྲུབ་པའི་རྟུལ་ཞུགས་ཀྱི་སྤྱོད་པ།།གང་དགའ་གླུ་རུ་ལེན་མཁས་དཔལ་དགྱེས་པ་རྡོ་རྗེས།།འཁོར་འདས་དབང་བསྒྱུར་ནུས་པའི་ཟློས་གར་ལ་རོལ་ལོ།།དབྱིན་ཡུལ་འཛམ་གླིང་རྒྱལ་མཁར་ནས་ཤྲཱིཿཨེ་མ་ཧོས་སྤྱི་ལོ་༢༠༡༩ ཟླ་བ༡༡ ཚེས་༣ལ།།

དཔལ་གས་ང་སྔ་འགྱུར་བའི་ཆོས་གྲྭ་ཆེན་མོ་གཉིས་ཀྱི་ཡ་གྱལ་བླ་རུང་ལྔ་རིག་ནང་བསྟན་སློབ་གླིང་དགེ་འདུན་འདུས་པ་རྒྱ་མཚོ་རྣམས་ཀྱིས་བདེ་བ་ཅན་དུ་སྐྱེ་བའི་རྒྱུ་བཞི་ཚང་བའི་སྒོ་ནས་སངས་རྒྱས་འོད་དཔག་མེད་ཡིད་ལ་བྱེད་དེ་སྒོམ་སྒྲུབ་གནང་བཞིན་རྣམ་པ།<<བདེ་བ་ཅན་དུ་སྐྱེ་བའི་རྒྱུ་བཞི་བསྒྲུབ་པའི་ཉམས་ལེན་>>རྒྱུ་བཞི་ནི། ༡༽ ཞིང་ཁམས་ཡིད་ལ་བྱེད་པ། ༢༽ ཕྱག་འཚལ་བ། ༣༽ བྱང་ཆུབ་མཆོག་ཏུ་སེམས་བསྐྱེད་པ། ༤༽ སྨོན་ལམ་རྣམ་དག་བཏབ་པ། འདི་བཞིའི་གོ་དོན་ཉུང་ངུ་ཞིག་གིས་ངོ་སྤྲོད་ཞུས་ན།༡༽ བདེ་བ་ཅན་དུ་སྐྱེ་བའི་རྒྱུ་བཞི་མདོ་བསྡུས་བྱས་ན། བདེ་བ་ཅན་ནི་འཛམ་བུ་གླིང་གི་ཉི་མ་ནུབ་ཕྱོགས་ན་ཡོད། དེ་ན་འོད་དཔག་མེད་འཁོར་དང་བཅས་པ་བཞུགས་ཡོད། རྟག་པར་ང་ལ་གཟིགས་ཡོད། ང་རང་ཤི་མ་ཐག་ཏུ་དེ་ན་འགྲོ་དགོས་བསམས་ནས་འདུན་པ་གཏད། བདེ་བ་ཅན་དང་འོད་དཔག་མེད་ཀྱི་མཚན་དེ་རྒྱུན་དུ་སེམས་ལ་བཟུང་བ་དང་། ཁ་འདོན་བྱ་བ་དང་། དད་པ་བརྟན་པོར་གྱིས་དང་དེ་ཙམ་གྱིས་བདེ་བ་ཅན་དུ་སྐྱེ་བའི་རྒྱུ་དང་པོ་ཡིན་ནོ།། ༢༽ རྒྱུ་གཉིས་པ་ཕྱག་འཚལ་བ་དང་། མཆོད་པ་ཕུལ་བ་སོགས་སྒོ་དུ་མ་ནས་ཚོགས་བསག་པ་ཡིན་ཏེ། མདོ་ལས་བསོད་ནམས་ལྡན་པའི་མི་ཡིས་བསམ་པ་རྣམས་ཀྱང་འགྲུབ། ཅེས་གསུངས་པ་ལྟར་རོ།། ༣༽ རྒྱུ་གསུམ་པ་གྲོགས་བསམ་པ་བྱང་ཆུབ་མཆོག་ཏུ་ཐུགས་བསྐྱེད་པ་ནི་ཆོས་རྗེ་དམ་པ་ཡིད་བཞིན་ནོར་བུས། སྲིད་གསུམ་སྡུག་བསྔལ་རང་བདེ་འདོད་ལས་བྱུང་བདེ་དགེ་མཐའ་དག་གཞན་ཕན་སེམས་ལས་འཁྲུངས། །དེ་ཕྱིར་ལྷ་མིའི་སྟོན་པའི་རྗེས་བསྙེགས་ཏེ། །བླ་མེད་བྱང་ཆུབ་སེམས་མཆོག་བསྐྱེད་པར་རིགས། །ཞེས་གསུངས་པ་ལྟར། དོན་གཉིས་ལྡན་པའི་ཐབས་ཤེས་ཁྱད་པར་ཅན་གྱི་སེམས་བསྐྱེད་ཉམས་སུ་ལེན་པ་ཡིན་ནོ།། ༤༽ རྒྱུ་བཞི་བ་རྐྱེན་སྨོན་ལམ་རྣམ་དག་ནི། སངས་རྒྱས་འོད་དཔག་མེད་ལ་གསོལ་བ་འདེབས། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཞེས་གསུངས་པ་ལྟར། དགེ་རྩ་ཐམས་ཅད་བདེ་བ་ཅན་དེར་སྐྱེ་བའི་རྒྱུར་བསྔོ་བ་དང་། སྐྱེ་བར་སྨོན་ལམ་བཏབ་པ་དག་ཡིན་།།འདི་ལྟར་ཉམས་སུ་ལེན་པས་ཕན་ནུས་ནི་<<འོད་མདོ་>>ལས་བཞི་བཅུ་ཞེ་དགུ་བཤད་ཡོད།༄༅།།ཀུན་བཟང་བདེ་ཆེན་ཞིང་གི་སྨོན་ལམ་ཡིད་བཞིན་ནོར་བུའི་གའུ་ཞེས་བྱ་བ་བཞུགས་སོ།།ཨེ་མ་ཧོ།།རང་སྣང་བདེ་བ་ཅན་གྱི་ཞིང་ཁམས་སུ།།སེམས་ཉིད་བདེ་བཤེགས་མགོན་པོ་འོད་དཔག་མེད།།སེམས་བྱུང་རྒྱལ་སྲས་འཁོར་ཚོགས་རྒྱ་མཚོའི་དབུས།།ལྷང་ངེ་ལྷན་ནེ་ལྷམ་མེ་གསལ་བར་བཞུགས།།སྒོ་གསུམ་མི་ཕྱེད་དད་པས་ཕྱག་འཚལ་བཅས།།དངོས་འབྱོར་ཡིད་སྤྲུལ་ཀུན་བཟང་མཆོད་སྤྲིན་འབུལ།།ཚེ་རབས་བསགས་པའི་སྡིག་ལྟུང་མ་ལུས་བཤགས།།འཁོར་འདས་དགེ་ཚོགས་ཀུན་ལ་རྗེས་ཡི་རང་།།ཟབ་རྒྱས་དམ་ཆོས་འཁོར་ལོ་བསྐོར་བར་བསྐུལ།།རྒྱལ་ཀུན་མྱ་ངན་མི་འདའ་བཞུགས་གསོལ་འདེབས།།དུས་གསུམ་དགེ་རྩ་བྱང་ཆུབ་ཆེན་པོར་བསྔོ།།མཁའ་ཁྱབ་འགྲོ་ཀུན་སངས་རྒྱས་མྱུར་ཐོབ་ཤོག།བདག་ཀྱང་འདི་ནས་ཚེ་རབས་ཐམས་ཅད་དུ།།བླ་མ་ཨོ་རྒྱན་ཆེན་པོས་རྟག་ཏུ་སྐྱོབས།།ཡི་དམ་གར་དབང་ལྷ་ཚོགས་བརྟན་དུ་གནས།།མཁའ་འགྲོ་ཆོས་སྐྱོང་ནམ་ཡང་མི་འབྲལ་ཞིང་།།བསྟན་དང་འགྲོ་བའི་དོན་ཀུན་ལྷུན་གྲུབ་ཤོག།ཅེས་པ་འདི་ཡང་རབ་གནས་ས་ཕག་ལྷ་བབས་ཟླ་བའི་དུས་བཟང་ལ་སྔ་འགྱུར་བླ་རུང་ཆོས་ཀྱི་གྲོང་ཁྱེར་གྱི་བདེ་ཆེན་ཞིང་བསྒྲུབ་ཀྱི་སྐབས་སུ་ཆོས་མཆེད་དམ་པ་ཚོའི་ཚོགས་བསགས་ལ་རྗེས་སུ་ཡི་རང་བཅས་ནུབ་ཕྱོགས་ཨེ་ཝཾ་རྫོགས་ཆེན་ཆོས་ཚོགས་ཁང་ནས་རིག་འཛིན་དཔལ་དགྱེས་པ་རྡོ་རྗེ་རུ་འབོད་པས་དེ་ཉིད་ལ་ཐོལ་སྨོན་དུ་བགྱིས་པར་དགེའོ།། །།