༄༅།།སྐྱབས་འགྲོ་བཞུགས་སོ། །༄༅། །ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཡོན་ཏན་འཕྲིན་ལས་ཐམས་ཅད་ཀྱི་ངོ་བོར་གྱུར་པ། ཆོས་ཀྱི་ཕུང་བོ་སྟོང་ཕྲག་བརྒྱད་ཅུ་རྩ་བཞིའི་འབྱུང་གནས། འཕགས་པའི་དགེ་འདུན་ཐམས་ཅད་ཀྱི་མངའ་བདག དྲིན་ཅན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་སྐྱབས་སུ་མཆིའོ། །སངས་རྒྱས་ལ་སྐྱབས་སུ་མཆིའོ། །ཆོས་ལ་སྐྱབས་སུ་མཆིའོ། །དགེ་འདུན་ལ་སྐྱབས་སུ་མཆིའོ། །ལན་གསུམ། ཡི་དམ་དཀྱིལ་འཁོར་གྱི་ལྷ་ཚོགས་འཁོར་དང་བཅས་པ་རྣམས་ལ་སྐྱབས་སུ་མཆིའོ། །དཔལ་མགོན་དམ་པ་ཆོས་སྐྱོང་བའི་སྲུང་མ་ཡེ་ཤེས་ཀྱི་སྤྱན་དང་ལྡན་པ་རྣམས་ལ་སྐྱབས་སུ་མཆིའོ། །སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །བྱང་ཆུབ་བར་དུ་བདག་ནི་སྐྱབས་སུ་མཆི། །བདག་གིས་སྦྱིན་སོགས་བགྱིས་པ་འདི་དག་གིས། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ།དཀོན་མཆོག་གསུམ་ལ་བདག་སྐྱབས་མཆི། །སྡིག་པ་ཐམས་ཅད་སོ་སོར་བཤགས། །འགྲོ་བའི་དགེ་ལ་རྗེས་ཡི་རང༌། །སངས་རྒྱས་བྱང་ཆུབ་ཡིད་ཀྱིས་གཟུང༌། །སངས་རྒྱས་ཆོས་དང་ཚོགས་མཆོག་ལ། །བྱང་ཆུབ་བར་དུ་བདག་སྐྱབས་མཆི། །རང་གཞན་དོན་ནི་རབ་བསྒྲུབ་ཕྱིར། །བྱང་ཆུབ་སེམས་ནི་བསྐྱེད་པར་བགྱི། །བྱང་ཆུབ་མཆོག་གི་སེམས་ནི་བསྐྱེད་བགྱིས་ནས། །སེམས་ཅན་ཐམས་ཅད་བདག་གིས་མགྲོན་དུ་གཉེར། །བྱང་ཆུབ་སྤྱོད་མཆོག་ཡིད་འོང་སྤྱད་པར་བགྱི། །འགྲོ་ལ་ཕན་ཕྱིར་སངས་རྒྱས་འགྲུབ་པར་ཤོག །ལན་གསུམ།སེམས་ཅན་ཐམས་ཅད་བདེ་བ་དང་བདེ་བའི་རྒྱུ་དང་ལྡན་པར་གྱུར་ཅིག །སེམས་ཅན་ཐམས་ཅད་སྡུག་བསྔལ་དང་སྡུག་བསྔལ་གྱི་རྒྱུ་དང་བྲལ་བར་གྱུར་ཅིག །སེམས་ཅན་ཐམས་ཅད་སྡུག་བསྔལ་མེད་པའི་བདེ་བ་དང་མི་འབྲལ་བར་གྱུར་ཅིག །སེམས་ཅན་ཐམས་ཅད་ཉེ་རིང་ཆགས་སྡང་གཉིས་དང་བྲལ་བའི་བཏང་སྙོམས་ལ་གནས་པར་གྱུར་ཅིག །ལན་གསུམ།གང་གིས་རྟེན་ཅིང་འབྲེལ་བར་འབྱུང༌། །འགག་པ་མེད་པ་སྐྱེ་མེད་པ། །ཆད་པ་མེད་པ་རྟག་མེད་པ། །འོང་བ་མེད་པ་འགྲོ་མེད་པ། །ཐ་དད་དོན་མིན་དོན་གཅིག་མིན། །སྤྲོས་པ་ཉེར་ཞི་ཞི་བསྟན་པ། །རྫོགས་པའི་སངས་རྒྱས་སྨྲ་རྣམས་ཀྱི། །དམ་པ་དེ་ལ་ཕྱག་འཚལ་ལོ།…

བསྟན་སྨོན་གེ་སར་གཞོན་ནུ།།ཨེ་མ་ཧོ།།སྐྱིད་པའི་ཉི་མ་སེར་པོས་བཀྲག་མདངས་འབར།།དགའ་བའི་དུང་ཟླ་དཀར་པོས་མདུན་ནས་ཚེས།།ཨེ་ཝཾ་གེ་སར་གཞོན་ནུའི་ལང་ཚོ་ཀུན།།རྫོགས་ལྡན་གསར་བའི་དགེ་མཚན་རབ་ཏུ་རྒྱས།།

ཨེ་ཝཾ་རྒྱལ་སྤྱི་རང་བཞིན་ལྡན་པས་རྒྱུགས་སྤྲད་དང་གཟེགས་རྟགས་དགའི་ལེགས་འབུལ་གྱི་རྟེན་འབྲེལ་གྱི་མཚམས་རྟགས་སུ་ནུབ་ཕྱོགས་རྒྱ་མཚོའི་གྲུ་ཁ་ནས་བཀྲ་ཤིས་བདེ་ལེགས་གྲངས་མེད་ཞུའོ།། ཁྱད་པར་དུ་སྐལ་བཟང་དགྲ་འདུལ་དང་མུན་སེལ་སྒྲོན་མེ། ཟླ་བ་ལྷ་མོ་ལ་འཚམས་འདྲི་ཡོད། ཤྲཱིས་སོ།

བླ་མ་དང་སློབ་མའི་དམ་ཚིག་ཡིད་བཞིན་ནོར་བུ།།ན་མོ་གུ་རུ་ཡེ། ཕྱོགས་དུས་རྒྱལ་བ་སྲས་བཅས་ཐམས་ཅད་ཀྱི།།མཁྱེན་བརྩེ་ཐུགས་རྗེའི་རོལ་གར་བླ་མ་ལ།།སེམས་ཉིད་རང་ངོར་ཤེས་པས་གསོལ་བ་འདེབས།།སྐུ་གསུམ་དབྱེར་མེད་བླ་མས་བྱིན་གྱིས་རློབས།།བླ་མ་སངས་རྒྱས་མཇལ་བའི་བསོད་ནམས་དང་།།ཟབ་ལམ་གདམས་ངག་ཐོས་པའི་ཕན་ཡོན་ལས།།བྱིན་རླབས་བཙན་ཐབས་འཇུག་པའི་ཨེ་ཝཾ་ཆོས།།སྙིང་གི་བུ་ལ་གདམས་པ་འདི་ལྟར་ལགས།།དད་གུས་དག་སྣང་ལྟ་བ་བླ་མའི་ཐུགས།།རང་ངོར་གསལ་བཞག་གནས་པ་སྒོམ་པ་ཡིན།།གཏད་མེད་རང་གྲོལ་སྤྱོད་པ་རྣམ་ཐར་ལ།།འབྲས་བུས་རང་བཞིན་རྫོགས་པའི་ས་མཆོག་གོ།རང་སེམས་ངོ་བོ་བླ་མ་དབྱེར་མེད་ངང་།།བདེན་ཚིག་རང་བཞིན་གསོལ་བ་སྙིང་ནས་འདེབས།།ཐུགས་ཡིད་དབྱེར་མེད་གནས་པའི་བར་མཚམས་ནས།།སངས་རྒྱས་ཀུན་འདུས་སྙིང་དབུས་དཀྱིལ་ནས་རྙེད།།བླ་མ་དཀོན་མཆོག་ཀུན་འདུས་ངོ་བོར་མཁྱེན།།མ་ལུས་འགྲོ་བ་ཀུན་ལ་རང་བཞིན་བརྩེ།།ཕྲིན་ལས་རབ་འབྱམས་དབང་བའི་ཐུགས་རྗེའི་བདག།གནུབས་ཆེན་སངས་རྒྱས་ཡེ་ཤེས་དེ་ཀ་ལགས།།བདག་གཞན་མ་ལུས་སེམས་ཅན་ཐམས་ཅད་ཀུན།།ཀུན་བཟང་རྫོགས་པའི་སངས་རྒྱས་མ་ཐོབ་བར།།དམ་བཅའ་མ་གཡེལ་ཕྲིན་ལས་རྒྱུན་དུ་སྐྱོངས།།རྣམ་སྨིན་རིག་འཛིན་རྒྱལ་བའི་སྐུ་རུ་བཞེངས།།འཆི་མེད་ཚེ་དབང་རིག་འཛིན་བརྙེས་པའི་ཚེ།།བདེ་ཆེན་ཕྱག་རྒྱའི་དགོངས་པ་མངོན་དུ་གྱུར།།ལྷུན་གྲུབ་ཆོས་སྐུའི་དབྱིངས་དང་མཉམ་པ་ལ།།སྐུ་གསུམ་རྒྱལ་བའི་རྒྱལ་སར་ཕྱིན་པར་ལགས།།ཀུན་ཏུ་བཟང་པོ་མཁྱེན་པའི་ཡེ་ཤེས་གསལ།།ཐུགས་རྗེ་ཆེན་པོ་བརྩེ་ཆེན་རབ་ཏུ་རྒྱས།།པདྨ་འབྱུང་གནས་ཕྲིན་ལས་རྫོགས་པའི་ཚེ།།འོད་གསལ་སྙིང་པོའི་བསྟན་པའི་རྣལ་འབྱོར་ལགས།།ཨེ་ཝཾ་སྒྲོན་དྲུག་ཨ་ཏིའི་གསང་ལམ་ནས།།ཆོས་ཟད་དགོངས་པ་མཐར་ཕྱིན་དམ་ཚིག་ཅན།།དད་ལྡན་སངས་རྒྱས་རྒྱ་མཚོས་སྐུལ་བའི་ངོར།།ཤྲཱིཿསྤྲུལ་དཔལ་དགྱེས་རྡོ་རྗེས་ཐོལ་བྱུང་བྲིས།།ཞེས་རབ་གནས་ས་ཕག་ཁྲུམས་ཟླའི་དབྱར་གནས་སྐབས་སུ་ཨེ་ཝཾ་སངས་རྒྱས་ཡེ་ཤེས་ཆོས་གླིང་ནས་ཨེ་མ་ཧོས་བགྱིས་པར་དགེའོ།། །།

རང་ཉིད་སྐྱེས་ནས་འཆི་བའི་ནང་མོ་བར།།ཁོམ་མེད་འཁོར་བའི་བྱ་བ་བསྒྲུབ་བསྒྲུབ་ནས།།དམ་པའི་ཆོས་ལ་བརྩོན་པ་ཉུང་ཉུང་ནས།།འགྱོད་པའི་ཉིན་མོར་ཐོན་དུས་ཅི་ཞིག་བྱ།། ཐར་འདོད་ལམ་ལ་ཁ་ཡིས་བཤད་བཤད་ནས།།ཐར་མེད་འཁོར་བའི་འདམ་དུ་ཆགས་ཆགས་ནས།།དལ་བའི་རྟེན་བཟང་དོན་མེད་སོང་བ་འདི།།རང་ཉིད་རང་གིས་བསླུས་འདི་ཨ་རེ་ཙ།། དམ་ཆོས་བསྒྲུབ་བསམ་ཡ་ཐོད་གཉེར་མས་ཁེངས།།ཐར་བའི་ལམ་འདོད་དབང་པོ་ཉམས་ནས་སོང་།།བློ་ཁོག་གྱོང་བོ་འདི་ལ་བསམ་བསམ་ནས།།སང་ཉིན་གནང་ཉིན་བརྩིས་ནས་ཡོད་ཚད་ཤོར།། འཆི་བ་བསམ་ནས་དམ་ཆོས་ཅི་ཐུབ་གལ།།མི་རྟག་ལ་སྒོམ་ངེས་འབྱུང་རྩ་བ་གལ།།འདི་བདེ་ཕྱི་སྐྱིད་དུག་ལྔའི་གཉེན་པོ་གལ།།གལ་ཆེན་འདི་དག་གཙོ་བྱས་འཆི་བར་སོམས།། རང་གིས་རང་ལ་བྲིས་པའི་མགུར་མ་འདི།།ངེས་འབྱུང་སྐད་ཅིག་མ་ཡིས་བསྐུལ་བྱས་ནས།།རང་གཅེས་ཞེན་ཆགས་ཆེ་བའི་རང་ཉིད་ལ།།རང་གི་རྣམ་རྟོགས་ཤར་ཆ་ཤར་མར་བྲིས།། ______རང་ཉིད་ལ། གཙང་པས

རྒྱ་གར་གྱི་ཆོས་དང་སྲིད་འཛིན་པ་མུ་དྷཱི་ལ་བསྟོད་ཚིག་གསེར་གྱི་མཎྜལ།ཨེ་མ་ཧོ།།རྒྱལ་སྤྱིའི་སྟེང་ན་གཟི་དཔལ་རབ་ཏུ་བརྗིད།།ལྷ་ལ་གུས་ཤིང་སངས་རྒྱས་དད་པ་བཞགས།ལུས་སྦྱོང་གནང་ཞིང་པདྨ་འབྱུང་གནས་གསོལ།།ཆོས་སྲིད་ཁྱབ་བདག་ཁྱེད་ལ་མངོན་པར་བསྟོད།།འཕགས་ཡུལ་སྲིད་དོན་བྲེལ་ཚབ་ཆེ་ན་ཡང་།།ཉིན་བཞིན་སྒོམ་ལ་བརྩོན་པའི་མུ་དྷཱིཿཉིད།།ཆོས་དང་འཇིག་རྟེན་འཛིན་པའི་དཔའ་བོ་ཁྱེད།།སྐུ་ཚེ་བརྟན་ཅིང་བསམ་དོན་མྱུར་འགྲུབ་ཤོག།ལྷ་འདྲེ་རྩོད་གཞིའི་ཁ་མཆུ་ཁྱེད་ལ་མེད།།དྲིན་ལན་ལོག་འཇལ་གཡོ་ཟོལ་དེ་བས་དབེན།།གྲགས་པ་དོན་ལྡན་ཞི་བདེའི་སྲིད་འཛིན་ཉིད།།འཛམ་གླིང་རྒྱན་ཏུ་ཡུན་རིང་འཚོ་གྱུར་ཅིག།ཅེས་པ་འདི་ཡང་རྒྱལ་གར་སྲིད་བློན་ཆེན་པོ་མུ་དྷཱི་ཉིད་དཔལ་ལྡན་འབྲུག་གི་རྒྱལ་ཁབ་ནས་སྒོམ་རྒྱག་པ་དང་མཚོ་སྐྱེས་རྒྱལ་བའི་སྐུ་ལ་ཕྱག་འཚལ་སོགས་བརྙན་འཁོར་ལས་བཟང་རབ་མཐོང་མ་ཐག་གང་ཤར་ཤྲཱིཿཨེ་མ་ཧོས་དབྱིན་ཡུལ་ནས་བསྟོད་པར་དགེའོ།།