ཨེ་ཝྃ་ཧོ།

བར་ཆད་ལམ་སེལ་ཞིག །A Dispelling Obstacles from the Path PrayerBy H.H.Khenchen Lama Rinpoche蓮師除障祈請文 – 堪欽喇嘛寧波車ཨེ་མ་ཧོ༔E MA HO奇也哉ཕྱི་ལྟར་གནས་མཆོག་ཟངས་མདོག་དཔལ་རི་ནས།Outwardly, from the supreme abode of the Glorious Copper-Colored Mountain,鄔金淨土銅色吉祥山སྐྱབས་གཅིག་བླ་མ་ཨོ་རྒྱན་པདྨ་འབྱུང་།།The sole refuge is Guru Padmasambhava.皈依至尊蓮花生大士བཟོད་མེད་གདུང་ཤུགས་དྲག་པོས་གསོལ་བ་འདེབས།།I supplicate intensely with unbearably powerful yearning:我今向您猛烈作祈請ཕྱི་ཡི་བར་ཆད་འབྱུང་བཞིའི་གཡོ་འཁྲུག་བཟློགAvert outer obstacles, the disturbances of the four elements,祈請迴遮外障四大害ཕུང་པོ་འོད་ལུས་གྲོལ་བར་བྱིན་གྱིས་རློབས།།And grant your blessings that I may be liberated into a body of light.加持我等化為光明身ནང་ལྟར་སྙིང་དབུས་ཟངས་མདོག་དཔལ་རི་ནས།།Inwardly, from the Glorious Copper-Colored Mountain in the heart’s center,心中生起銅色吉祥山འོད་ལྔའི་རང་མདངས་བླ་མ་པདྨ་འབྱུང་།།The self-radiance of the five lights is Guru Padmasambhava.自生化為五色蓮花生རིག་པ་ཚད་ཕེབས་ངང་ནས་གསོལ་བ་འདེབས།I supplicate from within the full measure of intrinsic awareness:我今向您本智作祈請ནང་གི་བར་ཆད་སེམས་ཀྱི་སྡུག་བསྔལ་སོལ།།Clear away inner obstacles, the suffering of the mind,清淨我等內障迷亂心འཁྲུལ་རྟོག་ཆོས་སྐུར་གྲོལ་བར་བྱིན་གྱིས་རློབས།།And grant your blessings that…

རང་གཤིས་དང་ཉིན་མཚན་གྱི་དུས་ཚོད་དམ་འཛིན།ཨེ་མ་ཧོ།ཨེ་རིག་སངས་རྒྱས་ཐུགས་དང་དབྱེར་མ་མཆིས།།མ་ལུས་འགྲོ་ལ་ཕན་བདེའི་ལམ་སྟོན་དཔལ།།ཨ་ཧོ་དགེ་འདུན་འཕགས་རིགས་དགྱེས་པ་རྩལ།།མཆོག་གསུམ་རྡོ་རྗེ་འཆང་གི་རྟུལ་ཞུགས་རྒྱལ།།ཨེ་སྟོང་ཆོས་སྐུ་གཉུག་མའི་ཡེ་ཤེས་དཔལ།།མ་ལུས་ལོངས་སྐུའི་འོད་གསལ་དགྱེས་པ་ཉིད།།ཨ་ཧོ་སྤྲུལ་སྐུ་རིག་འཛིན་རྡོ་རྗེ་འཆང་།།མཁན་ཆེན་བླ་མས་སྐུ་གསུམ་མངའ་དབང་རྒྱལ།ཨེ་ཀ་ཛ་ཏིས་ཉིན་མཚན་སྐྱོབ་པའི་དཔལ།།མ་གཅིག་གྲུབ་པའི་རྒྱལ་མོ་དགྱེས་པ་རྩལ།།ཧོ་ཐོག་ཐུ་ཆེན་རྡོ་རྗེ་སེམས་དཔའ་ཆེ།།བསླབ་གསུམ་མཛོད་འཛིན་དགེ་ལེགས་ཡར་འཕེལ་རྒྱལ།།ཉིན་མོར་འཆད་སྒོམ་ཆོས་སྤྱོད་ཀུན་ལ་བརྩོན།།མཚན་མོར་འོད་གསལ་ངང་ནས་ཞིང་ཁམས་མཇལ།།ཉིན་མཚན་བར་མེད་ཨེ་ཝཾ་བསྟན་ལ་སྨན།།ཀུན་བཟང་ཨེ་མ་ཧོ་ཞེས་ཡོངས་སུ་གྲགས།།ཤྲཱིས་སོ།།

ལྷག་པའི་ལྷ་མཆོག་སྒྲ་དབྱངས་ལྷ་མོའི་མགུལ་རྒྱན་ཡིད་བཞིན་ནོར་བུ།ན་མོ་གུ་རུ་སྭ་ར་སྭཱ་སྟི་ཡེ།།ཀ་དག་སྤྲོས་བྲལ་ངང་ནས་འོད་གསལ་གྱི་སྐུ་མཆོག།ཁ་དོག་རབ་མཛེས་བུ་མོ་རྒྱལ་ཀུན་གྱི་ཡུམ་ཆེན།།ག་བུར་མདངས་འཛིན་མཁྱེན་རབ་དབང་ཕྱུག་གི་བདག་མོ།།ང་ཡི་སྙིང་གྲོགས་མཁའ་འགྲོའི་གསང་གསུམ་ལ་བསྟོད་དོ།།ཅ་དག་ལོངས་སྐུའི་རྒྱན་དང་པི་ཝཾ་ལ་རོལ་ཅིང་།ཆ་ལུགས་ཀུན་བཟང་དག་གཙང་སྙན་འཇེབས་ལ་དབང་ཕྱིར།།ཇ་ཡུན་ཙམ་ལ་མི་བརྗེད་སྙིང་དབུས་ནས་དྲན་ན།།ཉ་མོ་ཆུ་ལ་གནས་བཞིན་འབྲལ་མེད་དུ་མཛོད་ཅིག།ཏ་ཐཱ་ག་ཏའི་བསྟན་པའི་ནང་དོན་ལ་མཁས་ཤིང་།།ཐ་དག་སྒོ་གསུམ་དད་པའི་བརྩེ་དུང་གིས་བཙུན་པས།།ད་འདས་མ་འོངས་ཕན་བདེའི་ཀུན་བཟང་ཡི་དེད་དཔོན།།ན་མོ་མི་ཕྱེད་དད་པས་དངོས་གྲུབ་རེ་ཞུའོ།།པ་ར་མི་ཏའི་ཕྱིན་བཅུའི་སྤྱོད་པ་ཡི་ལམ་སྟོན།།ཕ་མ་གཉིས་མེད་རྒྱུད་པའི་ཐེག་དགུ་ཡི་ཁྱབ་བདག།བ་གླང་སྨྱོན་པ་བདག་འདྲའི་རྨོངས་སེལ་གྱི་ཉི་མ།།མ་ལུས་དུང་གི་ཟླ་བའི་དགྱེས་ཞལ་དེ་ངོམས་ཤོག།ཙ་རི་གནས་ཡུལ་བདག་པོ་དཔལ་ལྡན་གྱི་ལྷ་མོ།།ཚ་གྲང་སྡུག་ཀུན་སེལ་བའི་གཤིན་རྗེ་ཡི་ཡུམ་ཆེན།།ཛ་ཡའི་མཁྱེན་རབ་བསྩལ་མཁས་སྒྲ་དབྱངས་ཀྱི་ལྷ་མོ།།ཝ་ལེར་སྙིང་གི་སྲས་མོའི་རྣམ་ཐར་ལ་འདུད་དོ།།ཞྭ་དམར་རྣ་རིང་གྱོན་པའི་པཎ་ཆེན་ནི་ལྔ་བརྒྱ།།ཟ་ཧོར་མཁན་སློབ་རྒྱུད་པའི་རྗེ་འབངས་ནི་ཉེར་ལྔ་།།འ་ཅག་རང་རིགས་སྐྱོངབའི་སྒྲོལ་མ་ནི་ཉེར་གཅིགཡ་མཚན་ཀུན་བཟང་རྒྱལ་མོ་སྙིང་དབུས་ན་བཞུགས་ཤིག།ར་བ་གངས་རིའི་བསྐོར་བའི་བསིལ་ལྡན་གྱི་ཞིང་ནས།།ལ་ལུང་ཁྲི་འབུམ་བརྒལ་བའི་ནུབ་ཕྱོགས་ལ་ཆས་ཀྱང་།།ཤ་ཞེན་བརྗེད་ཐབས་བྲལ་བའི་དད་གུས་ལ་བསམས་ཚེ།།ས་ཐོབ་མཁའ་འགྲོ་རྒྱ་མཚོའི་གཅེས་ཕྲུག་ང་སྐྱིད་པ།།ཧ་ཧ་གད་མོའི་དབྱངས་དང་དགྱེས་ཉམས་དང་བཅས་ཏེ།།ཨ་ཧོ་རིག་འཛིན་གྲུབ་པའི་རྟུལ་ཞུགས་ཀྱི་སྤྱོད་པ།།གང་དགའ་གླུ་རུ་ལེན་མཁས་དཔལ་དགྱེས་པ་རྡོ་རྗེས།།འཁོར་འདས་དབང་བསྒྱུར་ནུས་པའི་ཟློས་གར་ལ་རོལ་ལོ།།དབྱིན་ཡུལ་འཛམ་གླིང་རྒྱལ་མཁར་ནས་ཤྲཱིཿཨེ་མ་ཧོས་སྤྱི་ལོ་༢༠༡༩ ཟླ་བ༡༡ ཚེས་༣ལ།།

དཔལ་གས་ང་སྔ་འགྱུར་བའི་ཆོས་གྲྭ་ཆེན་མོ་གཉིས་ཀྱི་ཡ་གྱལ་བླ་རུང་ལྔ་རིག་ནང་བསྟན་སློབ་གླིང་དགེ་འདུན་འདུས་པ་རྒྱ་མཚོ་རྣམས་ཀྱིས་བདེ་བ་ཅན་དུ་སྐྱེ་བའི་རྒྱུ་བཞི་ཚང་བའི་སྒོ་ནས་སངས་རྒྱས་འོད་དཔག་མེད་ཡིད་ལ་བྱེད་དེ་སྒོམ་སྒྲུབ་གནང་བཞིན་རྣམ་པ།<<བདེ་བ་ཅན་དུ་སྐྱེ་བའི་རྒྱུ་བཞི་བསྒྲུབ་པའི་ཉམས་ལེན་>>རྒྱུ་བཞི་ནི། ༡༽ ཞིང་ཁམས་ཡིད་ལ་བྱེད་པ། ༢༽ ཕྱག་འཚལ་བ། ༣༽ བྱང་ཆུབ་མཆོག་ཏུ་སེམས་བསྐྱེད་པ། ༤༽ སྨོན་ལམ་རྣམ་དག་བཏབ་པ། འདི་བཞིའི་གོ་དོན་ཉུང་ངུ་ཞིག་གིས་ངོ་སྤྲོད་ཞུས་ན།༡༽ བདེ་བ་ཅན་དུ་སྐྱེ་བའི་རྒྱུ་བཞི་མདོ་བསྡུས་བྱས་ན། བདེ་བ་ཅན་ནི་འཛམ་བུ་གླིང་གི་ཉི་མ་ནུབ་ཕྱོགས་ན་ཡོད། དེ་ན་འོད་དཔག་མེད་འཁོར་དང་བཅས་པ་བཞུགས་ཡོད། རྟག་པར་ང་ལ་གཟིགས་ཡོད། ང་རང་ཤི་མ་ཐག་ཏུ་དེ་ན་འགྲོ་དགོས་བསམས་ནས་འདུན་པ་གཏད། བདེ་བ་ཅན་དང་འོད་དཔག་མེད་ཀྱི་མཚན་དེ་རྒྱུན་དུ་སེམས་ལ་བཟུང་བ་དང་། ཁ་འདོན་བྱ་བ་དང་། དད་པ་བརྟན་པོར་གྱིས་དང་དེ་ཙམ་གྱིས་བདེ་བ་ཅན་དུ་སྐྱེ་བའི་རྒྱུ་དང་པོ་ཡིན་ནོ།། ༢༽ རྒྱུ་གཉིས་པ་ཕྱག་འཚལ་བ་དང་། མཆོད་པ་ཕུལ་བ་སོགས་སྒོ་དུ་མ་ནས་ཚོགས་བསག་པ་ཡིན་ཏེ། མདོ་ལས་བསོད་ནམས་ལྡན་པའི་མི་ཡིས་བསམ་པ་རྣམས་ཀྱང་འགྲུབ། ཅེས་གསུངས་པ་ལྟར་རོ།། ༣༽ རྒྱུ་གསུམ་པ་གྲོགས་བསམ་པ་བྱང་ཆུབ་མཆོག་ཏུ་ཐུགས་བསྐྱེད་པ་ནི་ཆོས་རྗེ་དམ་པ་ཡིད་བཞིན་ནོར་བུས། སྲིད་གསུམ་སྡུག་བསྔལ་རང་བདེ་འདོད་ལས་བྱུང་བདེ་དགེ་མཐའ་དག་གཞན་ཕན་སེམས་ལས་འཁྲུངས། །དེ་ཕྱིར་ལྷ་མིའི་སྟོན་པའི་རྗེས་བསྙེགས་ཏེ། །བླ་མེད་བྱང་ཆུབ་སེམས་མཆོག་བསྐྱེད་པར་རིགས། །ཞེས་གསུངས་པ་ལྟར། དོན་གཉིས་ལྡན་པའི་ཐབས་ཤེས་ཁྱད་པར་ཅན་གྱི་སེམས་བསྐྱེད་ཉམས་སུ་ལེན་པ་ཡིན་ནོ།། ༤༽ རྒྱུ་བཞི་བ་རྐྱེན་སྨོན་ལམ་རྣམ་དག་ནི། སངས་རྒྱས་འོད་དཔག་མེད་ལ་གསོལ་བ་འདེབས། །བདེ་བ་ཅན་དུ་སྐྱེ་བར་བྱིན་གྱིས་རློབས། །ཞེས་གསུངས་པ་ལྟར། དགེ་རྩ་ཐམས་ཅད་བདེ་བ་ཅན་དེར་སྐྱེ་བའི་རྒྱུར་བསྔོ་བ་དང་། སྐྱེ་བར་སྨོན་ལམ་བཏབ་པ་དག་ཡིན་།།འདི་ལྟར་ཉམས་སུ་ལེན་པས་ཕན་ནུས་ནི་<<འོད་མདོ་>>ལས་བཞི་བཅུ་ཞེ་དགུ་བཤད་ཡོད།༄༅།།ཀུན་བཟང་བདེ་ཆེན་ཞིང་གི་སྨོན་ལམ་ཡིད་བཞིན་ནོར་བུའི་གའུ་ཞེས་བྱ་བ་བཞུགས་སོ།།ཨེ་མ་ཧོ།།རང་སྣང་བདེ་བ་ཅན་གྱི་ཞིང་ཁམས་སུ།།སེམས་ཉིད་བདེ་བཤེགས་མགོན་པོ་འོད་དཔག་མེད།།སེམས་བྱུང་རྒྱལ་སྲས་འཁོར་ཚོགས་རྒྱ་མཚོའི་དབུས།།ལྷང་ངེ་ལྷན་ནེ་ལྷམ་མེ་གསལ་བར་བཞུགས།།སྒོ་གསུམ་མི་ཕྱེད་དད་པས་ཕྱག་འཚལ་བཅས།།དངོས་འབྱོར་ཡིད་སྤྲུལ་ཀུན་བཟང་མཆོད་སྤྲིན་འབུལ།།ཚེ་རབས་བསགས་པའི་སྡིག་ལྟུང་མ་ལུས་བཤགས།།འཁོར་འདས་དགེ་ཚོགས་ཀུན་ལ་རྗེས་ཡི་རང་།།ཟབ་རྒྱས་དམ་ཆོས་འཁོར་ལོ་བསྐོར་བར་བསྐུལ།།རྒྱལ་ཀུན་མྱ་ངན་མི་འདའ་བཞུགས་གསོལ་འདེབས།།དུས་གསུམ་དགེ་རྩ་བྱང་ཆུབ་ཆེན་པོར་བསྔོ།།མཁའ་ཁྱབ་འགྲོ་ཀུན་སངས་རྒྱས་མྱུར་ཐོབ་ཤོག།བདག་ཀྱང་འདི་ནས་ཚེ་རབས་ཐམས་ཅད་དུ།།བླ་མ་ཨོ་རྒྱན་ཆེན་པོས་རྟག་ཏུ་སྐྱོབས།།ཡི་དམ་གར་དབང་ལྷ་ཚོགས་བརྟན་དུ་གནས།།མཁའ་འགྲོ་ཆོས་སྐྱོང་ནམ་ཡང་མི་འབྲལ་ཞིང་།།བསྟན་དང་འགྲོ་བའི་དོན་ཀུན་ལྷུན་གྲུབ་ཤོག།ཅེས་པ་འདི་ཡང་རབ་གནས་ས་ཕག་ལྷ་བབས་ཟླ་བའི་དུས་བཟང་ལ་སྔ་འགྱུར་བླ་རུང་ཆོས་ཀྱི་གྲོང་ཁྱེར་གྱི་བདེ་ཆེན་ཞིང་བསྒྲུབ་ཀྱི་སྐབས་སུ་ཆོས་མཆེད་དམ་པ་ཚོའི་ཚོགས་བསགས་ལ་རྗེས་སུ་ཡི་རང་བཅས་ནུབ་ཕྱོགས་ཨེ་ཝཾ་རྫོགས་ཆེན་ཆོས་ཚོགས་ཁང་ནས་རིག་འཛིན་དཔལ་དགྱེས་པ་རྡོ་རྗེ་རུ་འབོད་པས་དེ་ཉིད་ལ་ཐོལ་སྨོན་དུ་བགྱིས་པར་དགེའོ།། །།