July 2019

སྐྱིད་གླུ་ཨེ་མ་ཧོ།།

སྐྱིད་གླུ་ཨེ་མ་ཧོ།།
ན་མོ་གུ་རུ་པདྨ་ཀ་ར་ཡེ།།
མཁའ་རླུང་གཙང་མས་གདོང་གི་རི་མོ་བྱིས།།
དྲི་ཞིམ་ངེད་པ་བཟང་པོས་འཆམ་ནད་སེལ།།
ཆུ་ཤིང་བསིལ་ཡབ་འཇམ་སྒྲས་སྣང་བ་སངས།།
རྫོགས་ཆེན་དུས་འཁོར་འོད་གསལ་ཨེ་མ་ཧོ།།
ཤར་ནས་ཟླ་བ་དཀར་པོས་འཛུམ་མདངས་ངོམས།།
ཡར་ངོའི་ཚེས་བཅུ་བཟང་པོས་ཚོགས་འཁོར་རོལ།།
གསེར་མདོག་ལྕང་ལོ་མཛེས་པའི་རྣལ་འབྱོར་མོད།།
བདེ་ཆེན་རྡོ་རྗེའི་གླུ་བྲོ་ཨེ་མ་ཧོ།།
སྐྱིད་པའི་ཉི་མ་གཞན་ཕན་བྱ་བ་གྲུབ།།
བདེ་བའི་ཟླ་བ་བརྩེ་དུང་སྙིང་པོར་ལོན།།
ཀུན་བཟང་རྨི་ལམ་བདེན་པ་མངོན་དུ་གསལ།།
འཆི་མེད་གཉུག་མའི་དགའ་སྟོན་ཨེ་མ་ཧོ།།
ཞེས་པ་འདི་ཡང་རབ་གནས་སྣྲོན་ཟླའི་ཡར་ངོའི་ཚེས་བཅུ་ལ་གང་ཤར་ཐོལ་གླུ་རུ་ཤྲཱིཿཨེ་མ་ཧོས་བགྱིས་པར་དགེའོ།། །།

Leave a Reply

Your email address will not be published. Required fields are marked *