རྫོགས་ཆེན་དུས་འཁོར་གྱི་སྒྲུབ་རྒྱུད་ཟ་མ་ཏོགན་མོ་མ་ཧཱ་གུ་རུ་ཀཱ་ལ་ཙཀྲ་ཡེ།།ཨེ་ཡིག་སྟོང་ཉིད་སྤྲོས་བྲལ་རྫོགས་པ་ཆེ།།ཝཾ་ཡིག་འོད་གསལ་བདེ་ཆེན་དུས་འཁོར་ལོ།།ཟུང་འཇུག་ཡེ་ཤེས་རིག་འཛིན་གཉུག་མའི་གཤིས།།ཕྱི་ནང་གཞན་གསུམ་མཁའ་ཁྱབ་དཔལ་དགྱེས་པ།།ཆོས་བདུན་ནམ་མཁའི་རྡོ་རྗེ་ཨེ་མ་ཧོ།།ཨོཾ་ཨཱཿཧཱུཾ་ཧྲཱི་ཧ་ཀྵ་མ་ལ་ཝ་ར་ཡཾ་སྭཱ་ཧཱ།།སྣང་སྲིད་རྣམ་དག་འོད་གསལ་སྒྱུ་འཕྲུལ་དཔལ།།ཟབ་རྒྱས་ཡང་དག་དམ་ཆོས་བདེན་གསུང་སྒྲ།།རང་རིག་ཀ་དག་རྫོགས་པ་ཆེན་པོའི་ཐུགས།།འགྲོ་ཀུན་སྐུ་གསུམ་ངོ་བོར་སངས་རྒྱས་ཤོག།ཅེས་ཌཱ་ཀི་ནི་བིརྱ་དྷཱ་ར་དྷེ་ཝའི་སྐུལ་ངོར་ཤྲཱིཿཨེ་མ་ཧོས་དེ་ཉིད་དུ་རྫོགས་ཆེན་དུས་འཁོར་བསྙེན་སྒྲུབ་བསྡུས་ཆོག་ཏུ་བགྱིས་པར་དགེའོ།། །། སྤྱི་ལོ་༢༠༡༩ ཟླ་བ ༨ ཚེས་༡༠་ལ།།

ལམ།ལམ་འགྲོ་ཡོང་བའི་གདམས་ཚིག་ཀུན་བཟང་མེ་ལོང་།ན་མོ་གུ་རུ་དྷརྨཱ་ཡ་ན་ཡེ།།༡༽ཀ་དག་པའི་ལམ་ལ་འཁྲུལ་བ་མེད།།འོད་གསལ་བའི་ལམ་ལ་མུན་པ་མེད།།དོན་ངེས་ཤེས་ལམ་མཆོག་རིན་པོ་ཆེ།།ལམ་ཀུན་ཏུ་བཟང་ལ་ཕྱག་འཚལ་ལོ།།༢༽ལམ་འཁོར་བའི་ལམ་ལ་སྙིང་པོ་མེད།།ལམ་འགྲོ་ལྔ་དག་ལ་བདེ་བ་མེད།།ལམ་བདེན་པ་གདམས་ཤིག་སྙིང་གྲོགས་མ།།ལམ་མ་རིག་བྲལ་ན་མྱང་འདས་ལགས།།༣༽ལམ་དྲང་པོ་ཐར་བའི་ལམ་ན་ཡོད།།ལམ་དྲང་མོ་གདམ་ང་རང་ལག་ཡིན།།ལམ་མ་ནོར་ཨ་མའི་གཅེས་ཕྲུག་ཚོ།།ལམ་ནོར་ན་ནོར་སོ་ཆེན་པོ་ཡིན།།༤༽ལམ་གྱི་སྟོན་པ་བཤེས་གཉེན་གཙོ།།ལམ་གྱི་རྩ་བ་རང་སེམས་གཙོ།།ལམ་གྱི་མཐུན་རྐྱེན་གྲོགས་བཟང་གཙོ།།ལམ་གཙོ་རྣམ་གསུམ་མ་བརྗེད་ཨང་།།༥༽ལམ་གཞི་མ་མངོན་མཐོ་ངེས་ལེགས་དང་།།ལམ་ཐར་འདོད་ངེས་འབྱུང་རྣལ་མ་ལ།།ལམ་བྱང་ཆུབ་སེམས་ལ་དབང་བ་ན།།ལམ་དག་སྣང་མཇལ་བར་རིང་ན་མེད།།༦༽ལམ་བཟང་པོ་གདམས་པའི་རྣམ་དཔྱོད་གཅིག།ལམ་སྨོན་ལམ་འགྲུབ་པའི་བདེན་པ་གཉིས།།ལམ་ཐེག་དགུའི་གོ་རིམ་མཁྱེན་པ་གསུམ།།ལམ་རྒྱུ་འབྲས་བསླུ་བ་མེད་པར་མཁྱེན།།༧༽ལམ་ལོག་པར་འཁྱམས་ལ་སྙིང་རྗེ་སྒོམས།།ལམ་ངལ་ཞིང་དུབ་ཚེ་བརྩོན་འགྲུས་ཀྱིས།།ལམ་དགའ་སྡུག་ཐར་པ་སེམས་ལ་མཆིས།།ལམ་བདེེ་ཆེན་ངང་དུ་ཕྱག་རྒྱ་རོལ།།༨༽ལམ་ཡང་དག་མཇལ་བའི་ཤྲཱིཿསྨྱོན་པས།།ལམ་འཁོར་འདས་རྨོངས་པའི་སེམས་ཅན་ལ།།ལམ་བཟང་པོ་མཛུབ་མོས་རི་སྟོན་བཞིན།།ལམ་དཀར་པོའི་དགེ་ཕྱོགས་དེ་སྐད་ཐལ།།སྤྱི་ལོ ༢༠༡༩ ཟླ་བ ༨ ཚེས ༡༡་ལ།།

ཞབས་བརྟན་གསོལ་འདེབས་ཆོས་རྔ་རིན་པོ་ཆེའི་སྒྲ་སྙན་ཞེས་བྱ་བ།ཨོཾ་ཨཱཿཧཱུཾ་ཧྲཱིཿ༼༡༽ ཡེ་ནས་ཀ་དག་ཀུན་བཟང་ཧེ་རུ་ཀ།འོད་གསལ་ལྷུན་གྲུབ་བདེ་ཆེན་ཨེ་མ་ཧོ།།དབྱེར་མེད་ཟུང་འཇུག་པདྨ་ཀ་ར་ལ།།གསོལ་བ་འདེབས་སོ་མཆོག་ཐུན་དངོས་གྲུབ་སྩོལ།།༼༢༽བླ་མ་ཨོ་རྒྱན་ཀུན་བཟང་རྡོ་རྗེ་འཆང་།།ཡི་དམ་རྒྱལ་བ་དུས་འཁོར་ཞི་ཁྲོའི་ལྷ།།མཁའ་འགྲོ་དམ་ཅན་སྲུང་མའི་བྱིན་རླབས་ཀྱིས།།གྲུབ་དབང་སངས་རྒྱས་མཉན་པ་ཞབས་བརྟན་ཤོག།༼༣༽མཁྱེན་པའི་སྤྱན་ཡངས་ནམ་མཁའི་མཐའ་དང་མཉམས།།བརྩེ་བའི་ཐུགས་རྗེ་རྒྱ་མཚོའི་ཀླུང་ལས་ཟབ།།མཐུ་སྟོབས་སྐུ་གཟུགས་ཆོས་བདུན་ངོ་བོར་བཞུགས།།གསང་གསུམ་བསྐལ་བརྒྱའི་བར་དུ་བརྟན་གྱུར་ཅིག།ཅེས་པའང་རབ་གནས་ས་ཕག་ཁྲུམས་ཟླའི་ཚེས་བཅུའི་ཉིན་གུང་གི་རྨི་ལམ་དང་དྲག་ཤོས་བསོད་ནམས་སྟོབས་རྒྱལ་སོགས་ཀྱིས་སྐུལ་ངོར་མཁན་ཆེན་བླ་མ་འམ་རིག་འཛིན་དཔལ་དགྱེས་པ་རྡོ་རྗེ་རུ་འབོད་པས། སྤྱི་ལོ་༢༠༡༩ ཟླ ༨ པའི་ཚེས་ ༡༠ ལ་དབྱིན་ཡུལ་ཨེ་ཝཾ་སངས་རྒྱས་ཡེ་ཤེས་གླིང་ནས་གསོལ་བ་བཏབ་པ་དེ་དེ་བཞིན་དུ་འགྲུབ་པར་རྒྱལ་བ་སྲས་དང་བཅས་པས་མཐུན་གྱུར་བདེ་མྱུར་ཏུ་མཛོད་ཅིག་གུ།། །།

བློ་བཟང་འཇིགས་མེད་ལ་དགའ་རྟགས་ནོར་བུའི་མདོ་འཛིན།ན་མོ་རཏྣ་ཏྲ་ཡཱ་ཡ།།བློ་བཟང་བརྩོན་འགྲུས་ལྡན་པའི་ཆོས་རབ་འབྱེད།།དད་གུས་དམ་ཚིག་གཙང་མའི་ལྷག་བསམ་ཅན།།འཇིགས་མེད་འཆད་པའི་ཆོས་སྒྲ་སྒྲོག་པའི་དབྱངས།།གཟེངས་རྟགས་དང་པོ་བཞེས་ལ་བསྔགས་བརྗོད་ཡོད།།ད་དུང་མདོ་སྔགས་ཆོས་ལ་ཐོས་བསམ་གྱིས།།རྣམ་དག་ཚུལ་ཁྲིམས་གཙང་མའི་རྒྱན་གྱིས་ཕྱུག།རིག་འཛིན་བླ་མའི་རྣལ་འབྱོར་ཡང་ཡང་སྒོམས།།ཚེ་གཅིག་སངས་རྒྱས་ཐོབ་པའི་ཐུགས་དམ་མཛོད།།ཅེས་པ་རབ་གནས་ས་ཕག་ཁྲུམས་ཟླའི་ཚེས་བཅུ་ལ་ངོས་ཀྱི་སློབ་ཕྲུག་བློ་བཟང་འཇིགས་མེད་ལ་དཔལ་སྔ་འགྱུར་རྒྱལ་བསྟན་དར་སྤེལ་ཚོགས་པའི་འཆད་རྒྱུགས་གཟེངས་རྟགས་ཨང་རིམ་དང་པོ་ཐོབ་པར་ལེགས་གཅེས་སུ་དབྱིན་ཡུལ་ནས་ཤྲཱིཿསྨྱོན་པས་སོ།།

སྟོང་ཉིད་ཡངས་པའི་བྷ་ག་ལ།།廣大空性之基要The being of emptiness Bhaga extensively. སྙིང་རྗེས་ཁྲོས་པའི་རྡོ་རྗེ་རྩལ།།慈悲極忿之金剛The expression Vajra of Compassion and wrathfully power. བདེ་ཆེན་ཕྱག་རྒྱའི་གར་ལ་རོལ།།大樂手印之遊舞the dancing with the great bliss of mudra. ཕྲིན་ལས་ཀུན་ཁྱབ་དཔལ་དུ་དགྱེས།།吉祥事業滿十方All auspicious activity be penetration everywhere. ཤྲཱིས།師利撰寫Write down by Shri.